Хоёрдугаар сард зарлагдсан гадаад, дотоодын тэтгэлэгт хөтөлбөрүүд

Twitter Print
2021 оны 02-р сар 10-нд 09:17 цагт
Мэдээний зураг,

Гадаад болон дотоодын шинээр зарлагдсан тэтгэлэгт хөтөлбөрүүдийг танилцуулж байна.

1.ASIA KAKEHASHI-2021

Япон улсын Засгийн газрын 100 хувийн тэтгэлэгтэй сурагч солилцооны ASIA KAKEHASHI-2021 хөтөлбөр зарлагдлаа. Уг хөтөлбөрийг Япон улсын Ерөнхий сайд асан Шинзо Абэ санаачилсан бөгөөд Ази тивийн 20 улсаас 1000 гаруй манлайлагч ахлах ангийн сурагчдыг сонгон шалгаруулж, нийт долоон сарын турш Японы ахлах сургуульд сурч, сайн дурын гэр бүл эсвэл олон улсын дотуур байранд амьдарч, аялж мөн үе тэнгийн найзуудтай болох боломжийг олгодог юм.

Монбүшогийн (Японы Боловсролын Яам) тэтгэлэгт хөтөлбөрийн гол зорилго нь Ази тивийн хүүхэд залуучуудыг нэгтгэн ирээдүйд хамтын ажиллагааны гүүр босгоход оршино. Та энэ энэ линкээр нэвтрэн бүртгүүлэх боломжтой бөгөөд гуравдугаар сарын 1-ний 23:59 минутад бүртгэл хаагдах юм. Дэлгэрэнгүй мэдээллийг энд дарж авна уу.

2.Тайваний Засгийн газрын тэтгэлэг 2021

Монголын ард түмний Тайваний талаарх ойлголтыг нэмэгдүүлэх, хоёр талын боловсролын салбарын хамтын ажиллагааг эрчимжүүлэхийн тулд Тайваний Боловсролын яамнаас 2021 оны хичээлийн жилд Монгол Улсаас 11 оюутан залууст тэтгэлэг олгохоор шийдвэрлэсэн байна. Тэтгэлгийг бакалавр, магистр, докторт суралцагсдад олгох юм.

Сургалтын төлбөр болон бусад зардал: Сургалтын улирлын төлбөр болон сургалтын бусад зардлын төлбөр багтана, тэтгэлэгт 40,000 тайвань долларыг Тайваний Засгийн газраас олгох ба тэтгэлгээс гадна нэмэгдэл төлбөр гарсан тохиолдолд болон бусад зардал болох бичиг баримтын бүрдүүлэлтийн зардал, илтгэл, даатгал, байр, интернетийн төлбөр зэргийг суралцагч өөрөө хариуцах болно.

Амьжиргааны зардал: Бакалаврын оюутанд сар бүр 15,000 NTD (ойролцоогоор 490ам.доллар/тухайн үеийн ханшаар тооцож бодно/), магистр, докторт суралцагсдад сар бүр 20,000 NTD (ойролцоогоор 660 ам.доллар/тухайн үеийн ханшаар тооцож бодно/) тэтгэлэг олгох болно.

Хоёр. Тэтгэлгийн хугацаа

Суралцагсад бакалаврт 4 жил, магистрт 2 жил, докторт 4 жилийн хугацаанд хамрагдах боломжтой. Тус тэтгэлгийг нийт 5 жилээс илүү хугацаанд эдлэх боломжгүй. Тайваньд суралцуулах тэтгэлэг нь жил бүрийн есдүгээр сарын 1-ний өдрөөс дараа оны наймдугаар сарын 31-ний өдөр хүртэл үргэлжилнэ. Тэтгэлэгт хамрагдагсад нь тухайн сургуулийн бүртгэлийн хугацаанд бүртгэл хийлгэсэн байх шаардлагатай бөгөөд бүртгэл хийгдээгүй болон сургуульдаа тэнцээгүй тохиолдолд тэтгэлэг олгох боломжгүй болно. Тухайн сургууль болон Боловсролын яамнаас бүртгүүлэх хугацааны сунгалт хийгдсэн тохиолдолд дээрх шаардлага хамаарахгүй.

Тэтгэлгээр суралцах оюутан сургуульдаа бүртгүүлээд хичээл эхэлсэн сараас эхлэн тэтгэлгийн хугацаа дуустал буюу тухайн оюутан сургуулиа төгсөх, чөлөө авах, сурахаа болих хүртэлх тэтгэлгийг олгоно.

 Гурав.Тавигдах шаардлага

Бүрэн дунд болон түүнээс дээш боловсролын зэрэгтэй, онц сайн дүнтэй төгссөн, сахилга бат сайтай байх

-Тайваний тэтгэлэгт өргөдөл гаргагч нь өөрийн сонгосон их дээд сургуулиудад тухайн сургуулийн журмын дагуу бүртгэлийн хугацаанд бүртгүүлсэн байх шаардлагатай бөгөөд сургуульд бүртгүүлсэн өргөдлийн маягтын хуулбарыг тус төлөөлөгчийн газарт хүлээлгэн өгнө. Мөн тус төлөөлөгчийн газарт хүргэгдсэн бичиг баримт буцаан олгогдохгүй.

Бүрдүүлэх материал болон нэмэлт мэдээллийг энд дарж авна уу:

3. UNLOCK ментортой тэтгэлэгт хөтөлбөр

Unlock Podcast нь нийт сонсогч оюутнуудын дунд тэтгэлэгт хөтөлбөрийг зарлалаа. Тус хөтөлбөрийн өргөдлийг тавдугаар сараас авч эхлэх юм.

Тэтгэлэгт хамрагдах оюутны тоо: 10

Тэтгэлгийн хэмжээ: Хоёр сая төгрөгийн тэтгэлэг, нэг жилийн турш зааж, зөвлөх хувийн ментор, сургалт семинарууд.

Сонгон шалгаруулалт: I-Р шат цахим өргөдөл, II-р шат Сэтгэлзүй, хандлагын тест, III-р шат Ярилцлага

Шаардлага: Монгол Улсын иргэн байх, Unlock Podcast сонсогч, 2021-2022 оны хичээлийн жилд Монгол Улсын их дээд сургуулийн бакалаврын үдсэн ангид суралцагч, сурлагын дүн 80 ба түүнэс дээш, ямар нэг төрлийн спортоор хичээллэдэг эсхүл ниймийн ажилд идэвхитэй хамрагддаг байх, Мэргэжил хамаарахгүй

4. Япон улсын Нагоя их сургуулийн 2021 оны намрын улирлын оюутан солилцоо хөтөлбөр

МУИС болон Япон Улсын Нагояа Их Сургуулийн хамтын ажиллагааны гэрээний хүрээнд 2021 оны намрын улирлын оюутан солилцооны хөтөлбөрийг зарлаж байна.

Хөтөлбөрийн шаардлага:

МУИС-ийн бакалавр, магистрын хөтөлбөрийн идэвхтэй суралцаж буй оюутан байх /хамгийн багадаа 1 улирал амжилттай суралцсан байх/

Голч оноо 3.0 буюу түүнээс дээш

Англи, Япон хэлний дундаас дээш түвшний мэдлэгтэй байх.

Англи хэл дээр суралцах бол TOEFL iBT 79, IELTS 6.0, TOEIC 780, CEFR B2, CET-6 485 оноотой байх.

Япон хэл дээр суралцах бол JLPT N2, N1 түвшинтэй байх.

Бүрдүүлэх материал:

Сургуулийн тодорхойлолт (англи хэл дээр, тамгатай байх), албан ёсны дүнгийн хуулбар (англи хэл дээр, тамгатай байх), тодорхойлох захиа -1ш (багшийн тодорхойлолт, гарын үсэгтэй байх), суралцах төлөвлөгөө, англи хэл дээр 400 үг, Япон хэл дээр 800 тэмдэгт, судлаач оюутан 800-1600 үг

Агуулга: Өөрийн сургалтын төлөвлөгөө, зорилт, Нагоя их сургуульд судлах хүсэлтэй хичээлийн жагсаалтыг багтаасан байна.

Сургуулийн нэр, хөтөлбөр, овог нэрийг хуудасны дээд талд бичиж хамгийн сүүлд өөрийн гарын үсэг /оюог нэр/ он сар тавьсан байна (шивэх).

Хэлний мэдлэгийг харуулсан сертификатыг эх хувиар хавсаргах TOEFL iBT 79, IELTS 0, TOEIC 780, CEFR B2, CET-6 450 эсвэл Япон хэлний Japanese Language Proficiency Test (JLPT) N2-N1 онооны батламжын хуулбар/

Health certificate эмчийн тамгатай байх /татах 1/, гадаад пасспортын хуулбар, цээж зураг, санхүүгийн/банкны баталгаа. 1 семестр суралцах бол - 500,000 йен, 2 семестр суралцах бол – 1,000,000 йены баталгаа гаргана. (Банкны англи хэл дээрх албан тодорхойлолт байна)

Судлах боломжтой хөтөлбөрийн жагсаалт, хичээлийн календарьчилсан төлөвлөгөө, оюутан солилцооны хөтөлбөрийн талаарх дэлгэрэнгүй мэдээллийг татаж авна уу.

Тэтгэлэг:  Сургалтын төлбөрөөс чөлөөлнө. Байр болон бусад зардлыг оюутан өөрөө хариуцна.

Хамрагдах оюутны тоо:  2

Хүсэлт гаргах сүүлийн хугацаа: 2021 оны хоёрдугаар сарын 24-ны өдрийн 15.00 цаг (хугацааг сунгахгүй тул тодруулах асуулт байвал хүсэлт гаргах сүүлийн хугацаанаас өмнө холбоно уу. studentaffairs@num.edu.mn)

МУИС-ийн оюутан, төгсөгчийн хэлтэс нь шаардлага хангасан бичиг баримтыг Нагояа их сургуулийн оюутан солилцооны хөтөлбөрт илгээнэ. Сонгон шалгаруулалтыг Нагоя их сургууль хийж, хариуг гаргах болно. Тэнцсэн оюутан онлайн өргөдөл, бусад нэмэлт баримтыг Нагояа их сургуулиас шаардсаны дагуу дахин бүрдүүлэн илгээхийг анхаарна уу.

Бүрдүүлсэн материалыг нэг багц PDF файл болгон studentaffairs@num.edu.mn хаягаар илгээнэ. Бичиг баримтын эх хувийг цаг тохирон авна.

Бонус

Өмнө танилцуулж байсан энэ онд зарлагдсан тэтгэлэгт хөтөлбөрүүдтэй дахин танилцана уу.

1. Гадаад, дотоодын тэтгэлэгт хөтөлбөрүүд

2.ОХУ-ын Засгийн газрын тэтгэлэгт хөтөлбөр

3. АНУ-ын Засгийн газрын Фулбрайтын тэтгэлэгт хөтөлбөр

Эх сурвалж: AFS Mongolia, Тайпэйн худалдаа, эдийн засгийн төлөөлөгчийн газар, МУИС-Оюутан төгсөгчийн хэлтэс, Unlock Podcast

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.