Наадмаар бөхийн барилдааныг таван телевиз шууд дамжуулна

Twitter Print
2020 оны 06-р сар 23-нд 13:20 цагт
Мэдээний зураг,

Тулгар төрийн 2229, Их Монгол Улсыг байгуулсны 814 жил, Ардын хувьсгалын 99 жилийн ойн үндэсний Их баяр наадмын бөхийн барилдааныг МҮОНТ, Монгол HD, Тв9, ТВ5, Боловсрол телевиз шууд дамжуулна.

Монгол Үндэсний Бөхийн холбооноос “Ковид 19” цар тахлын үед наадам зохион байгуулахтай холбогдуулан бөхчүүд, бөхийн галуудад чиглэл хүргүүлсэн байна. Улсын их баяр наадамд барилдах 512 бөхийг зургаадугаар сарын 26-28-ны өдрүүдэд цахимаар болон шаардлагатай тохиолдолд зарим бөхчүүдийг биечлэн байлцуулж бүртгэнэ. Барилдах бөхчүүд наадмын өдрүүдэд хэрэглэх хүнс, сандал, нарны хаалт зэргийг хувиасаа бэлтгэх, харин ажиллах цэц, засуул, жаяг дэгийн багийн өдрийн хоолыг бөхийн салбар комиссоос гаргах юм байна.

Мөн бөхчүүд гэр бүл, найз нөхөд, багш, дасгалжуулагч, шавь зэрэг ойр дотны ямар ч хүнийг наадмын талбай руу явах автобусанд дагуулж оруулахгүй байх журам, зааврыг дагаж мөрдөхийг сануулжээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.