Хүн бүр л хүүхдээ амжилттай сайхан амьдраасай гэж хүсдэг ч хүүхдийн нойр, шүд, хоолонд бага анхаардаг. Шүд бол хүний насан туршийн гоо сайхан бол нойр сэтгэцийн эрүүл мэндийг хамгаалахаас гадна нойр хангалттай авсан хүн амжилт гаргах үндэс суурь болдог билээ. Гэвч хүүхдийн хувьд амттан гэдэг дайсан байна. Хүүхдийн зан авир, сэтгэн бодох чадвар, ой тогтоолт зэрэг нь хоол хүнснээс хамааралтай байдаг.
-Модтой чихэр
-Ундаа
-Чипс
-Чихэр
-Шарсан төмс
-Бэлэн хоол
-Өндгөн шоколад... зүгээр л хор.
Ёстой хааяа л авч өгвөл гэхээс. Ялангуяа хэл амыг өнгөөр буддаг өнгөтэй чихэр нь хүүхдийн зан авир тогтворгүйждэг гэдгийг Англид хийсэн судалгаагаар батлагдсан байдаг. Биед хэрэггүй бодисыг эсэргүүцэх чадвар хүүхдэд бага байдаг.
Хүүхэд тэнцвэртэй хооллож сурснаар элдэв хэрэг төвөгт орох нь тэр хэрээр багасдаг судалгааг ч хийж. Мөн хүүхдийн бие махбодийг бактери, вирустай тэмцэхэд идсэн чихэр саад болдог. Чихэр идсэний дараа хүүхэд эмх цэгцгүй бодож сэтгэж, илүү их ядардаг болно. Шуудхан хэлэхэд элсэн чихэр бол "хор".
Амттанд донтсон хүүхэд хоолонд дургүй болдог. Ихэнх аав ээжүүд хүүхдийг хоол идүүлэнгээ зурагт үзүүлдэг. Амт, таашаалыг мэдрэхгүй идсэн энэ илчлэг нь хүүхдэд таргалалт үүсгэдэг. Ингээд шүд муутай болдог. Түүнээс гадна таны төсөөлөөгүй олон муу үр дагавар байдаг.
Аав ээжүүд хүүхдийг асгаж цутгаад түүнийг нь цэвэрлэхээс залхууран өмнөөс нь халбагдан хооллодог. Харин ч хүүхэд асгаж, цутгаж өөрөө халбага сэрээгээ барьж идэх юм бол бие даах, өөртөө итгэлтэй болох, аливаа зүйлийг шинээр сурах эхлэл нь тавигддаг байна.
Бага насны хүүхэд хоолоо өөрөө гараараа амандаа хийж, зажилж идсэнээр:
-Шүд бэхжинэ
-Таргалалтаас сэргийлнэ
-Ходоодны үйл ажиллагаа сайжирна
-Бие даана
-Өөртөө итгэх итгэл нэмэгдэнэ
Өглөө босонгуутаа чихэр, амттан иддэг хүүхдүүд байна. 0-6 насны хүүхдийн тархины хөгжил хэт идэвхтэй байдаг энэ насанд нь өглөөний цай маш чухал ба чихэрлэг бус зүйл идсэн хүүхдийн тархины хөгжилд хүртэл сайнаар нөлөөлдөг байна.
Орой амттан идээд унтахад цусан дахь глюкозын хэмжээ огцом өсөж, огцом буурдаг. Үүний хариуд Кортизол хэмээх стрессын даавар ялгардаг. Энэ нь тархийг амраах биш харин ч сэргээх байдалд оруулдаг. Ингээд хангалттай унтаж амарч чаддаггүй байна. Шөнийн ээлжинд ажилладаг хүмүүс чихэрлэг зүйл бага хэрэглэж, ус ууж өөрийгөө хайрлаарай.
Хоол-Шүд-Эрүүл мэнд-Гоо сайхан. Та хүүхдэд бүхэл мах, хатуу ааруул ээзгий идүүлж, ус сайн уулгаарай. Шүдийг нь тогтмол үзүүлж байгаарай.
Гоё сайхан төрхтэй, цэвэр сайхан хувцасласан байлаа ч амнаас эвгүй үнэр үнэртэх төдийд л үнэлэх үнэлэмж буурдаг.
Сэтгэл зүйч Н. Ариун-Эрдэнэ
Энэ мэдээ танд таалагдаж байвал LIKE хийгээрэй. Танд баярлалаа.
