Хятадын вакцин коронавирусээс 50.4 хувийн үр дүнтэйгээр сэргийлж байгаа нь тогтоогджээ

Twitter Print
2021 оны 01-р сар 13-нд 13:12 цагт
Мэдээний зураг,

Хятадын Sinovac компанийн коронавирусын эсрэг вакцин нь Бразилд явуулсан клиникийн туршилтаар коронавирусын халдвараас 50.4 хувийн үр дүнтэйгээр хамгаалж байгаа нь тогтоогджээ.

Sinovac компанийн коронавирусын эсрэг вакцин нь Бразилийн эрх баригчдын захиалсан коронавирусын эсрэг 2 вакцины нэг юм. Бээжинд төвтэй Sinovac компанийн вакцин нь идэвхгүй болсон коронавирусыг хүний биед оруулснаар дархлааны урвал үүсгэх зарчмаар үйлчилдэг ба Индонез, Турк, Сингапур зэрэг улс орнууд уг вакциныг худалдан захиалгаа өгөөд байгаа аж.

Өнгөрсөн сард Туркийн эрдэмтэд Sinovac компанийн вакцин нь коронавирусын халдвараас 91.25 хувийн үр дүнтэйгээр хамгаалж байгаа тухай мэдэгдсэн бол Индонез улс уг вакцин нь 65.3 хувийн үр дүнтэй болохыг мэдэгдсэн юм. Хятадын компаниудад үйлдвэрлэж буй коронавирусын эсрэг вакцинууд нь барууны улс орнуудад бүтээсэн вакцинуудтай харьцуулахад нарийн судалгаа шинжилгээнд хамрагдахгүй, судалгааных нь үр дүн ил тод биш байна гэсэн шүүмжлэлд өртөөд байгаа билээ.

Эх сурвалж: Reuters

Содномцэрэнгийн Энхзаяа

Mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.