Орост ирсэн гадаадын иргэд Спутник-Ви вакциныг хийлгэж болно

Twitter Print
2021 оны 06-р сар 05-нд 12:47 цагт
Мэдээний зураг,

ОХУ-ын Ерөнхийлөгч Владимир Путин ОХУ-д ирж буй гадаадын иргэдэд Спутник-Ви коронавирусын эсрэг вакциныг үнэ төлбөртэйгээр хийж эхлэх талаар Санкт Петербургийн Олон улсын Эдийн засгийн форум дээр хэлсэн үгэндээ дурджээ.

Түүний хэлж байгаагаар Оросын Спутник-Ви вакциныг хийлгэх хүсэлтэй гадаадын иргэд ОХУ-д олноороо ирж байгаа аж. Тэрээр, "Би засгийн газраас уг асуудлыг энэ сарын сүүл гэхэд бүрэн судлаж, гадаадын иргэдэд ОХУ-ын нутаг дэвсгэр дээр Спутник-Ви вакциныг үнэ төлбөртэйгээр хийлгэх боломжийг бүрдүүлж өгөхийг хүсч байна." гэжээ.

Москвагийн хувьд эх орондоо бүтээсэн коронавирусын эсрэг Спутник-Ви вакциныхаа нэр хүндийг олон улсын тавцанд нэмэгдүүлэхээр хичээж байгаа билээ.

Спутник-Ви вакцин нь дэлхийн 66 оронд хийгдэж байгаа ч ДЭМБ болон Европын Эмийн агентлаг уг вакциныг одоог хүртэл албан ёсоор бүртгээгүй байгаа юм.

ОХУ-ын хувьд тус улсад коронавирусын эсрэг вакцинжуулах ажил удаашралтай явж байгаа ба өнгөрсөн долоо хоногт Оросын Эрүүл мэндийн яамнаас тус улсын 144 сая хүн амын 17 сая нь л вакцинд хамрагдсан талаар мэдээлэл хийсэн билээ. Дэлхий даяар олон улсын томоохон чуулга уулзалтуудын дийлэнх нь цахим хэлбэрээр явагдаж байхад Оросын Санкт Петербург хотод болж буй Олон улсын эдийн засгийн форумд ойролцоогоор 2000 хүн оролцжээ.

Форумд оролцогчид коронавирусын шинжилгээ өгсөн байх ёстой байсан ба зохион байгуулагчдын зүгээс оролцогчдод амны хаалт болон бээлий өмсөх шаардлага тавьсан аж. Санкт Петербургийн Олон улсын Эдийн засгийн форумын гол зорилго нь ОХУ-д гадаадын хөрөнгө оруулалт татах юм.

Эх сурвалж: https://www.reuters.com/business/healthcare

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.