МҮОХ-ны Ерөнхийлөгч Н.Түвшинбаяр Хөнгөн атлетикийн УАШТ-ний нээлтийн ажиллагаанд оролцлоо

Twitter Print
2020 оны 09-р сар 21-нд 14:49 цагт
Мэдээний зураг,

Монголын үндэсний олимпийн хороо/МҮОХ/-ны Ерөнхийлөгч Н.Түвшинбаяр Монголын хөнгөн атлетикийн холбоо/МХАХ/ байгуулагдсаны 60 жилийн ойн хүрээнд зохион байгуулагдаж буй хөнгөн атлетикийн өсвөр, насанд хүрэгчид, ахмад мастеруудын Улсын аварга шалгаруулах тэмцээний нээлтийн ажиллагаанд оролцож, үе үеийн тамирчин, дасгалжуулагчдад амжилт хүсэн баярын мэндчилгээ дэвшүүллээ.

Налайх дүүрэгт байрлах олон улсын жишигт нийцсэн хөнгөн атлетикийн зам, талбайд зохион байгуулагдсан уг ёслолд МХАХ-ны Ерөнхийлөгч Л.Болд, Засгийн газрын тохируулагч агентлаг-Биеийн тамир, спортын улсын хорооны дарга Ц.Шаравжамц, дэд дарга Ц.Одонбаяр, Налайх дүүргийн Засаг дарга Ч.Раднаабазар нар хүрэлцэн ирж оролцов.

МХАХ нь 60 жилийнхээ ойн хүрээнд тэмцээн уралдаануудаас гадна олон улсын эрдэм шинжилгээний бага хурал, түүхэн ном, баримтат кино, сургалт-семинар, фото зургийн үзэсгэлэн, уулзалт-ярилцлага, хүндэтгэлийн арга хэмжээнүүдийг зохион байгуулахаар төлөвлөж байна. МХАХ нь Монголын ууган спорт холбоодын нэг бөгөөд “Токио-1964” олимпийн наадмаас эхлэн олон арван хөнгөн атлетикчид олимпийн тавцанд тоосоо өргөсөн түүхтэй.

Ирэх жил зохион байгуулагдах “Токио-2020” олимпийн наадамд оролцох болзлыг манай марафонч Б.Мөнхзаяа, Ц.Бямбажав нар хүртээд буй. Ташрамд дурдахад Гавьяат тамирчин, марафонч Б.Сэр-Од нь 5 дахь олимпийн наадамдаа өрсөлдөхөөр Япон улсад бэлтгэл сургуулилтаа базааж байна.

Эх сурвалж: МҮОХ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.