Ханиад, томуу болон вирусын халдварын үед эфирийн тосыг хэрэглэх нь чухал ач холбогдолтой

Twitter Print
2020 оны 03-р сар 25-нд 13:55 цагт
Мэдээний зураг,

Ханиад, томуу болон вирусын халдвараас сэргийлэх талаар ОХУ-ын дотрын эмч Смолина Анна Юрьевнагийн зөвлөмжөөс хэрэгтэй болов уу гэдэг үүднээс хэсэглэн орчууллаа.

Тэрээр Францын вирус судлаач Жак Луйгийн өгүүллээс иш татжээ” Вирустэй тэмцэхээс илүү түүнтэй зэрэгцэн орших арга замыг хайх хэрэгтэй”. Вирусын ертөнц бол маш ухаалаг асар том бичил тогтолцоо юм.

Вирус бол амьд ба амьд бишийн зааг дээр орших, дэлхий дээрх хамгийн эртний организм юм. Организм жижиг байх тусам түүний хүрээлэн буй орчинд дасан зохицох чадвар нь илүү хүчтэй байдаг байна. Иймээс вирустэй тэмцэх тусам бидний тэмцэх аргуудад дасан зохицох механизм нь илүү хүчтэй болдог. Тэгэхээр вирустэй тэмцэхээс илүү тэднээс хамгаалах арга замыг хайсан нь илүү үр дүнтэй.

Вирусын бүтцийн талаар яривал тэр маш энгийн, зөвхөн цөм ба нөхөн үржихүйн механизмаас бүрдэнэ. Гэхдээ дотоод бүтэц нь энгийн боловч гаднах хамгаалалтын бүрхүүл нь маш нарийн бүтэцтэй байдаг. Энэ бол маш хүчирхэг ферментийн цогцолбор юм. Гаднах бүрхүүл нь эм тариа,вакцин зэрэг бусад бодисыг нэвтрүүлдэггүй. Гадаад бүрхүүлийн индикатор нь гадаад орчныг хуулбарлан өөрчлөгддөг бөгөөд гадны аюул заналхийлж эхэлмэгц мембранд нэн даруй ямар ч эм бодисыг эсэд нэвтрүүлдэггүй бодис үүсч эхэлдэг. Иймээс эмийн тусламжтайгаар вирусын эсрэг тэмцэх нь үр дүн муутай юм.

эфирное масло-н зурган илэрц

Тэгэхээр одоо вирусээс өөрийгөө хамгаалах тухай ярья.

1. Вирус бие махбодид орохоос сэргийлэх

Вирус хүрээлэн буй орчинд хаа сайгүй байгаа учраас түүнтэй контактлахгүй байх боломжгүй. Гэхдээ вирусыг хүний биед нэвтрэхээс урьдчилан сэргийлэх боломжтой.

Вирус юунаас айдаг вэ?

Эфирийн тос. Эфирийн тос нь вирусуудын айдаг биологийн идэвхит бодис агуулдаг учраас вирус тэдэнтэй холбогдохгүй хол байхыг хичээдэг. Хэрвээ вирусын рецепторууд (мэдрэгчүүд) агаарт болон биед эфирийн тосны биологийн идэвхит бодистой таарах л юм бол тийшээ ойртохгүй болно.

Ямар эфирийн тос хэрэглэх вэ?

Зарчмын хувьд ямар нь ч болно. Хамгийн гол нь байгалийн цэвэр тос (хольцгүй) байх ёстой.

Шилмүүст модны тоснууд (гацуур, жодоо, нарс, хуш) цитрус жимсний (жүрж, нимбэг) бергамотын тос гэх мэт. Цайны мод болон эвкалиптын тос нь вирусын эсрэг маш сайн үйлчилгээтэй. Бараг бүх эфирийн тоснууд вирусын эсрэг биологийн идэвхит бодисыг агуулдаг тул эфирийн тостой гадаргуу болон биед вирус нэвтэрч чадахгүй.

эфирное масло-н зурган илэрц

Бид юу хийх хэрэгтэй вэ?

Гэрээс гарахдаа биеийн ил хэсэгт (хамар, ам, чих г.м вирус нэвтэрч болох газрууд) байгалийн цэвэр эфирийн тос багахан түрхээрэй. Ялангуяа хүүхдүүдийг сургууль, цэцэрлэгт явахаас өмнө түрхэхээ мартуузай.

Аромолампанд хэдэн дуслыг хийж өрөө тасалгааныхаа агаарт ууршуулж болно.

Нялх хүүхдийн орны ойролцоо усанд хийж тавьж болно. Маскандаа 1-2 дусааж болно. Вирус амьсгалын замаар, агаараар дамждагийг санаж байгаа биз дээ.

эфирное масло-н зурган илэрц

Эх сурвалж: МонАрго

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.