Мессигийн шоу тоглолт “F” хэсэг

Twitter Print
2014 оны 06-р сар 12-нд 08:50 цагт
Мэдээний зураг,

Энэ хэсгээс нэгээр мэдээж Аргентин гарна. Харин гол асуудал Аргентинчууд  хэр хол явах вэ гэдэгт л байна. Messi (27нас) болон Ronalda (29 нас) нарын хувьд өөрийгээ түүхэн дэх том тоглогч гэдгээ харуулах ганц боломж Бразил болоод байгаа юм. Сүүлийн 20, 30 жил  Аргентины баг Марадонатай холбогдож яригдаж байсныг Messi гарч ирснээсээ хойш зогсоогоод байгаа. Бараг жил болгон огцорч байдаг Аргентиний дасгалжуулагч нарыг бодвол одоогийн Alejandro Sabella-гийн хувьд хэсгийн оноолт энэнээс илүү азтай байна гэж байхгүй байлгүй. Багийн довтолгооны бүс болон хамгаалалтын бүсийн хоорондох чанарын ялгаа хамгийн том асуудал.

Messi-гийн удирдлаган доор Di Maria, Kun Aguero, Zabaleta, болон Demicheli нарын шадар цэргүүд аварга болох зүүд зүүдэлж байгаа биз. Зүүд үү бодит явдал уу гэдгийг  Messi  шийднэ. Яагаад гэвэл тэр яг ид, оргил үедээ байгаа. Тэдний хувьд багийн дундаж нас 29 байгааг зарим хүмүүс сул талд тооцоод байгааг бас анхаарч үзэхэд илүүдэхгүй.

Босина Герцеговина багийн хувьд Бельги, Швейцарьтай шинээр гялалзан гарч байгаа Европын шинэ од баг. 2012 оноос хойш Saffet Susiç дасгалжуулагчийн тоглогчид гайхалтай байгаа. Европт дэлхийн аваргад оролцох хэсгийн тоглолтонд Грекүүдийн өмнө орж тэднийг play-off руу явуулсан. Эдгээр тоглолтонд Манчестер Ситигийн довтлогч Dzeko 10 гоол оруулсан бол Vedad İbiseviç 30 гарсан мөртлөө найман гоол оруулаад байгаа. Тэдний тоглолт гараа яах аргагүй хоёр довтлогч нь урдаа 4:4:2 байрлал байх болно. Тэд энэ хэсгээс хоёроор гарах л баг.

ФИФА-гийн зэрэглэлд 44-р байранд бичигдээд байгаа Нигерийн багийн бүрэлдэхүүнд  Emenike (Fenerbahce) Obi Mikel (Chelsea), Onazi (Lazio), Ameobi (Newcastle), Ahmed Musa (CSKA Moskova) зэрэг од тоглогч байгаа нь Босинагийн багийг айлгаад байгаа. Эхний тоглолтыг Ирантай хийх нь тэдний хувьд давуу тал гэж болно. Иранын багийн хувьд дэлхийн аваргад оролцож байгаад нь баяр хүргэхээс өөр хэлээд байх юм байхгүй.

Нийтлэлч Б.Ганбат

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.