Монголын Самбо Бөхийн Холбоо шигшээ багаа бүрдүүлэх асуудлыг хэлэлцсэн байна

Twitter Print
2020 оны 01-р сар 29-нд 17:44 цагт
Мэдээний зураг,

Энэ сарын 17-19ний өдрүүдэд насанд хүрэгчдийн Монгол улсын аварга шалгаруулах тэмцээнээ амжилттай зохион байгуулсан Монголын самбо бөхийн холбоо, засгийн газрын хэрэгжүүлэгч агентлаг, биеийн тамир спортын газрын хурлын танхимд улсын аваргад түрүүлсэн тамирчдыг цуглуулан хуралдлаа.

Хуралд Монголын самбо бөхийн холбооны ерөнхийлөгч Д.Гэрэл, Монголын самбо бөхийн холбооны ерөнхий нарийн бичгийн дарга Б.Ариун-Эрдэнэ, Засгийн газрын хэрэгжүүлэгч агентлаг, Биеийн тамир спортын газрын үндэсний шигшээ багийн албаны ерөнхий дасгалжуулагч, МУХБ, МУАБ, МУГД Ч.Насантогтох, Монголын самбо бөхийн холбооны дэд ерөнхийлөгч Б.Ганболд, Монголын самбо бөхийн холбооны спорт хариуцсан захирал МУГД Ж.Баярсайхан, Монголын самбо бөхийн холбооны шигшээ багийн ахлах дасгалжуулагч МУГТ Г.Үүрцолмон нарын эрхмүүд болон улсын аваргад жин тус бүрт түрүүлсэн тамирчид оролцлоо.

Энэ удаагийн хурлын гол зорилго нь Олон улсын олимпийн хороо, самбо бөхийн спортыг хүлээн зөвшөөрсөнтэй холбогдуулан улсын аваргад түрүүлсэн тамирчдын санал, болдлыг харгалзан үзэж шигшээ багийн тамирчдыг бүрдүүлж, Олон улсын самбо бөхийн холбооны /FIAS/ 2020 оны хуваарьт багтсан олон улсын тэмцээн, тив, дэлхийн аварга шалгаруулах тэмцээн, дэлхийн цомын тэмцээнд эх орноо төлөөлөн оролцуулахад оршиж байгаа юм.

Мөн шигшээ багийн тамирчдыг тогтмол цалинтай болгох асуудлыг шийдэж өгсөн бөгөөд шигшээ багийн тамирчдын нэрсийг тун удахгүй албан ёсоор зарлана.

Эх сурвалж: Монголын Самбо Бөхийн Холбоо

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.