Чэжү дэх залуучуудын зөвлөл “Унадаг дугуйтай Улаанбаатар”-ыг дэмжиж дугуйн парад хийлээ

Twitter Print
2014 оны 06-р сар 11-нд 10:59 цагт
Мэдээний зураг,

Монголын залуучуудын холбоо 2014 оныг залуусаа “Нэгдье” уриан дор бүхий л үйл ажиллагаагаа зохион байгуулж байгаа юм. Энэ хүрээнд залуучууд “Спирт үү, спорт уу” аянд нэгдэж, аяны хүрээнд явагдаж байгаа бүхий л үйл ажиллагааг дэмжиж, хамтран ажиллаж байна. Аяны бас нэгэн давалгаа болох “Унадаг дугуйтай Улаанбаатар” төслийн хүрээнд он гарсаар олон үйл ажиллагаанууд зохион байгуулагдаж байгаа юм. Нийслэл болоод, орон нутгийг унадаг дугуйн замтай болгох, үйл ажиллагаа явуулж байгаа бүхий л байгууллагууд унадаг дугуйн зогсоолыг байгуулах, мөн унадаг дугуйн даатгал, түрээсийн үйлчилгээг нэвтрүүлэх гэх мэтчилэн олон ажлуудыг эхлүүлээд явж байгаа. Энэхүү аянд дотоодын төдийгүй хилийн чанад дахь Залуучуудын холбоо нэгдсэн байна.

 

МЗХ-ны салбар зөвлөл болох Чэжү дэх залуучуудын зөвлөл “Унадаг дугуйтай Улаанбаатар” аяныг дэмжиж, нэгдэж байгаагаа илэрхийлэн Чэжүгийн Юунг-Ду-Ам гэдэг газраас Чэжүгийн хойд далайн эргээр унадаг дугуйн парадыг хийсэн байна. Энэ тухай Чэжү дэх залуучуудын зөвлөлийн тэргүүн, Шонхор циркийн захирал Г.Баатархүү мэдээлжээ. 

 

Чэжү дэх залуучуудын зөвлөл “Унадаг дугуйтай Улаанбаатар”-ыг дэмжиж дугуйн парад хийлээ

Сэтгүүлч Г.Ганчимэг

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.