Европт 17 секунд тутам 1 хүн коронавирусын халдвараар нас барж байна

Twitter Print
2020 оны 11-р сар 20-нд 10:55 цагт
Мэдээний зураг,

ДЭМБ-аас хийсэн судалгаагаар Европт 17 секунд тутамд 1 хүн коронавирусын халдварын улмаас нас барж байгаа нь тогтоогджээ.

ДЭМБ-ын Европын бүс нутгийг хариуцсан захирал Ханс Клюгегийн мэдээлснээр Европын бүс нутагт багтсан 53 улсад коронавирусын халдварын нийт 15.7 сая тохиолдол бүртгэгдсэний 4 сая нь өнгөрсөн 1 сарын дотор бүртгэгджээ. Түүний хэлж байгаагаар сүүлийн 2 долоо хоногт Европын улс орнуудын 80 гаруй хувьд нь коронавирусын халдвар 100 мянган хүн тутам 100-гаас олон бүртгэгдэж байгаа ба Европын эрүүл мэндийн тогтолцоо боломжоо шавхан ажиллаж байгаа аж.

Франц улсад л гэхэд эмнэлгүүдийн эрчимт эмчилгээний тасгуудын ор дүүргэлт 95 хувьтай байгаа бол Швейцарид хэдийн 100 хувьд хүрчээ. ДЭМБ-аас мэдээлж байгаагаар Европт коронавирусын халдварын тохиолдол буурч байгаа ч уг вирусын халдварын улмаас нас барагсдын тоо нэмэгдэх хандлагатай байна.

Эх сурвалж: interfax.ru

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.