Хятадад байсан Японы 200 гаруй иргэд эх орондоо иржээ

Twitter Print
2020 оны 01-р сар 29-нд 10:29 цагт
Мэдээний зураг,

Коронавирусын шинэ төрлийн вирусын халдварын голомт болох Ухань хотод хөл хорионд орсон байсан Японы 206 иргэн өнөө өглөө эх орондоо ирсэн байна.

Албаны хүмүүсийн мэдээлж байгаагаар тэдгээр иргэд Японы All Nippon Airlines (ANA) компанийн онгоцоор ирсэн аж. Эдгээр иргэдээс гадна Хятадад Японы 450 иргэн эх орон руугаа буцахаар онгоцоо хүлээж байгаа гэнэ. Хятадаас ирсэн иргэдэд онгоцон дотор үзлэг шинжилгээ хийж байгаа ба уушгины хатгалгааны шинж тэмдэг илэрсэн иргэдийг тусгай төв рүү илгээх бол халдварын ямар нэг шинж тэмдэг илрээгүй иргэдийн биеийн байдлыг цааш үргэлжлүүлэн хянахаар тусдаа өөр эмнэлэгт шилжүүлэх аж.

Өнөө өглөө Токиогийн нисэх онгоцны буудалд газардсан онгоцонд Хятадын Ухань хотын загасны захын ойролцоо болон хотын хүн амын нягтаршил хамгийн ихтэй дүүргүүдэд амьдарч байсан иргэд байсан байна. Түүнчлэн Японы зүгээс БНХАУ руу нэг удаагийн маск, нүдний хамгаалалтын шил, хамгаалалтын хувцас зэргийг онгоцоор илгээжээ.

Эх сурвалж: Reuters

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.