“Севол” онгоцны осолтой холбоотой мэдээллийг 500 мянган ам.долараар худалдаж авна

Twitter Print
2014 оны 06-р сар 10-нд 18:45 цагт
Мэдээний зураг,

Өмнөд Солонгост осолдоод буй онгоцны ослын талаар хүмүүс мартаагүй. Сураггүй алга бологсодын цогцосыг эрж хайх, гаргах ажиллагаа одоо хүртэл үргэлжилсээр байгаа билээ. БНСУ даяараа уй гашууд автаж, олон сайхан үрсээ алдсан эцэг эхчүүдийн нулимс хатаагүй, зүрх нь шимширч суугаа. Тус хөлгийн ослын буруутнууд гэгдээд буй багийн ахмад Ли Жун Сеок болон 15 гишүүнийг шүүх хурал Солонгост өнөөдөр эхэлжээ. Хөлгийн багийн гишүүд ослын үед бусдыг аврахад туслах ёстой байтал Ли Жун Сеок хүүхдүүдийг өрөөнөөсөө гарахгүй байх үүрэг өгч, өөрөө хамгийн түрүүнд шахуу аврах завинд сууж амьд гарсан нь видео халснаа үлдсэн байдаг.

Ахлах сургуулийн сурагч голдуу 290 гаруй хүний амийг авч одсон “Севол” хөлөг онгоцны ослын шалтгааныг хэт хурдтай явах үедээ огцом эргэлт хийсэн гэх дүгнэлтээр анх гаргаж байсан. Гэвч үүнээс гадна живсэн онгоцны ашиглалтын хугацаа дууссан байсныг мэдээллэж байна. Мөн техник ашиглалтын шаардлага хангаагүй байсныг мөрдөгчид тогтоосон байна. Энэ нь мэдээж тус онгоц эзэмшдэг “Чонхаежин Марин” компанитай холбоотой учраас захирал Ёо Бун Юун, түүний охин Ёо Сом На нарыг эрэн сурвалжилж байгааг Солонгосын хэвлэлүүд мэдээллэж байсан. Харин Ёо Сом Наг хуулийнхан Парис дахь гэрээс нь баривчилжээ. Мөн “Чонхаежин Марин” компанийн захирал Ёо Бун Юуны ач хүү Ёо Дае Куныг хайж байгаа юм байна. Мэдээллийн нууцыг 100 мянган ам.долараар үнэлснээ улс даяараа зарлаад байна. 

Мөн “Чонхаежин Марин” компанийн захирал болон удирдах албан тушаалтнуудыг энэ осолд буруутгах хангалттай үндэслэл бий гэж Сөүлийн прокурор үзээд байна. Мөн холбоотой мэдээллийг 500 мянган ам.доллараар худалдаж авна гэдгээ Өмнөд Солонгосын хүчний байгууллага зарлаад байна.

 

Х.Хулан

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.