“Улирал ба Зохиолч“ сэтгүүл 2020 оны шагналтнуудаа тодрууллаа

Twitter Print
2021 оны 02-р сар 21-нд 11:14 цагт
Мэдээний зураг,

2021 оны 2-р сарын 20-ны өдөр уламжлал ёсоороо “Улирал ба Зохиолч” сэтгүүл 2020 оны шагналтнуудаа тодрууллаа. Учир нь 2-р сарын 20-ны өдөр бол “Улирал ба Зохиолч” сэтгүүлийн төрсөн өдөр нь юм. Эдүгээгээс 8 жилийн тэртээ энэ өдөр тус сэтгүүл албан ёсоор байгуулагдаж байв. Тийм учраас энэ өдрийг сонгож оны шагналтнуудаа тодруулж иржээ.

Сэтгүүлийн зөвлөл 2020 оны шагналтнуудаар “Эзэн Чингисийн удмынхан эх хэлдээ өргөх андгай” тэргүүт шүлэг бичсэний учир |2020 № 4 (28) Өвөл| Ардын уран зохиолч, Соёлын гавьяат зүтгэлтэн, Д.Нацагдоржийн шагналт яруу найрагч Тангадын Галсанд, “Зөнжигтэй наадсан өглөө”, |2020 № 1 (25) Хавар| “Арслангийн анир”|2020 №2 (26) Зун| “Гурван баавгайн төрх”|2020 № 3 (27) Намар| “Морин шилүүс” |2020 № 4 (28) Өвөл| зэрэг байгал дэлхий, ан амьтан, арааан жигүүртнийг хайрлан хамгаалах чиглэлд хүмүүний ертөнцийн анхаарлыг татахуйц дуу чимээ өргөж танин мэдэхүй -уран сайхны онцгой содон нийтлэлүүд туурвисны учир Онц бөгөөд Бүрэн Эрхт Элчин сайд, Олон улсын харилцааны доктор Галсангийн Батсүхэд, “АНУ-ын Ерөнхийлөгчөөс “Тэргүүний сурагч хүндэтгэл хүртсэн монгол охин” хөрөг найруулал бичсэн |2020 № 3 (27) Намар| Улирал ба Зохиолч сэтгүүлийн Америк улсад дахь тусгай сурвалжлагч, найруулагч, жүжигчин Ванчигсүрэнгийн Наран-Амгалан нарыг тодрууллаа.

“Улирал ба Зохиолч” сэтгүүл оны шагналтнууддаа “БАТЛАМЖ”, 100.000 төгрөг гардуулдаг уламжлалтай билээ. 2014 оноос хойш тус сэтгүүлийн оны шагналаар зохиолч С.Пүрэв, орчуулагч,яруу найрагч Г.Лхагвадулам, Хөдөлмөрийн баатар зохиолч Л.Түдэв, орчуулагч, яруу найрагч Л. Батбаяр , Ардын уран зохиолч Б. Догмид, Хэл Зохиолын Хүрээлэнгийн эрдэм шинжилгээний ажилтан,доктор Б.Мөнхбаяр, Азын тэрүүн яруу найрагч Д.Урианхай, зураач,барималч доктор С.Бадрал, яруу найрагч, зохиолч Г.Аюурзана нарын зэрэг олон хүмүүс шагнагдсан байдаг.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.