Энэтхэг нарыг судлахаар хиймэл дагуулаа хөөргөжээ

Twitter Print
2023 оны 09-р сар 04-нд 09:08 цагт
Мэдээний зураг,

Өнгөрсөн долоо хоногийн лхагва гарагт сарны өмнөд туйлд сарны станцаа амжилттай газардуулсан Энэтхэг улс өнгөрсөн бямба гарагт нарыг судлах анхны хиймэл дагуулаа хөөргөжээ.

Адитья-Л1 хиймэл дагуулыг тээвэрлэсэн Polar Satellite Launch Vehicle пуужин хөөрөх мөчийн шууд дамжуулалтыг 860 мянга гаруй хүн үзсэн байна.

Адитья-Л1 хиймэл дагуул нь 4 сарын хугацаанд 1.5 сая км зайг туулахаар бүтээгдсэн ба сансрын тойрог зам дахь Лагранж L1 цэгт хүрч, зогсох аж. Хиймэл дагуул нь урт хугацаандаа нарны салхины үүсэл, нарны дэлхийн уур амьсгалд үзүүлэх нөлөө зэргийг судлах зорилготой аж.

Энэтхэгийн Ерөнхий сайд Нарендра Моди дэлхийн сансар судлалын салбарт АНУ болон БНХАУ давамгайлж байгаа явдлыг халах зорилготойгоор улсынхаа сансар судлалын салбарын үйл ажиллагааг тууштай дэмжиж байгаа юм.

Энэтхэгийн Дотоод хэргийн сайд Амит Шах X платформ дахь хуудсандаа нарны хиймэл дагуул хөөргөсөн нь Н. Модигийн засгийн газрын хувьд "асар том алхам" болсныг онцолжээ.

Өнгөрсөн долоо хоногт Чандраяан-3" станцаас илүү их хөрөнгөөр боссон, илүү хүчин чадалтай гэгдэж байсан Оросын Луна-25 станцын саран дээр буух ажиллагаа бүтэлгүйтсэний дараа Энэтхэгийн "Чандраяан-3" сансрын станц сарны өмнөд туйлд амжилттай газардсан билээ.

Энэтхэг улс саран дээр станцаа амжилттай газардуулсан дэлхийн 4 дэх улс болсноос гадна сарны өмнөд туйлд хүрсэн анхны улс болсон юм.

Эх сурвалж: Reuters

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.