Роман Протасевич бүх гэм буруугаа хүлээжээ

Twitter Print
2021 оны 06-р сар 04-нд 15:03 цагт
Мэдээний зураг,

Ирландын Ryanair компанийн зорчигч тээврийн онгоцноос баривчлагдсан Telegram нийгмийн сүлжээн дэх Nexta сувгийг үүсгэн байгуулагчдын нэг сэтгүүлч Роман Протасевич 2020 оны Беларусийн Ерөнхийлөгчийн сонгуулийн дараа болсон хууль бус жагсаал цуглааныг зохион байгуулсан гэдгээ хүлээн зөвшөөрч, гэм буруугаа хүлээжээ.

Тэрээр Беларусийн төрийн өмчит ОНТ сувагт өгсөн ярилцлагынхаа үеэр 2020 оны 8-р сарын 9-нд иргэдийг гудамжнаа гарч жагсахыг уриалагчдын нэг гэдгээ хүлээн зөвшөөрсөн ба түүний нийгмийн сүлжээнд бичсэн уриалгын үр дүнд гудамж талбайд эмх замбараагүй байдал үүссэн гэжээ. Тэрээр мөрдөн шалгах ажиллагаанд сайн дураараа тусалж, олон тооны баримт нотолгоог хүлээлгэн өгсөн гэжээ.

Түүнчлэн Р.Протасевич энэ хугацаанд олон зүйлийг ухаарч ойлгосон ба Беларусьт одоог хүртэл алан хядах бүлэглэлүүд үйл ажиллагаа явуулж байгаа хэвээр гэж үзэж буйгаа илэрхийлжээ. Үүнийгээ тэрээр төрийн эрхийг хүчээр авч, эрх баригчдыг устгахыг төлөвлөж байсан хүмүүстэй холбогдож байсан гэж тайлбарлажээ.

Роман Протасевич өөрийн биеийн байдлын тухай, "Маш сайн байгаа. Жоохон ханиад хүрсэн нь ярилцлагаас татгалзах шалтаг биш." хэмээн ярьжээ.

Түүнчлэн тэрээр ОНТ сувагт өөрийн саналаар, сайн дураараа ярилцлага өгч байгаа гэсэн ба зарим интернет хэрэглэгчдийн бичиж байгаа шиг түүний бие дээрх шарх сорви, хөхрөлт зэргийг нуухын тулд түүнд будалт хийгээгүй гэдгийг онцолжээ.

Эх сурвалж: https://www.interfax.ru

Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.