ОХУ-ын Мөрдөн шалгах хороо энэ сарын 23-нд Тверь мужид Вагнер группыг үүсгэн байгуулагч Евгений Пригожины хувийн онгоц осолдсон газраас олдсон цогцоснууд ОХУ-ын Агаарын тээврийн агетлагаас зарласан нэрсийн жагсаалттай тохирч байгаа тухай мэдэгджээ.
Цогцоснуудыг таних ажиллагаанд ОХУ-ын Мөрдөн шалгах хороо молекул-генетикийн шинжилгээ ашигласан аж.
Онгоц осолдсоны дараа ОХУ-ын Агаарын тээврийн агентлаг тус онгоцонд зорчиж явсан хүмүүсийн нэрсийг зарласан юм. Зарласан нэрсийн жагсаалтанд Вагнер группыг үүсгэн байгуулагч Е. Пригожин, ОХУ-ын армийн офицер, Вагнер группын цэргийн командлагч "Вагнер" хочтой Дмитрий Уткин нарын 7 хүн, нислэгийн багийн 3 гишүүний нэрс тус тус багтсан байсан юм.
Ослын шалтгааныг одоогийн байдлаар албан ёсоор зарлаагүй байна.
Эх сурвалж: meduza.io
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
Зочин
(66.181.160.61) 2023-08-29 11:50Гарцаагүй Пригожин мөн гэдгийг батлаад санаа нь амарцгаасан байхдаа!
Хариулах