Монголын боксчид Станбулын ОУТ-ээс 3 алт, 2 мөнгө, 2 хүрэл медаль хүртэв

Twitter Print
2020 оны 01-р сар 23-нд 12:24 цагт
Мэдээний зураг,

Турк улсын Станбул хотноо 2020 оны нэгдүгээр сарын 13-18-нд зохион байгуулсан Ахмет Комерт /Ahmet Comert /-ын нэрэмжит олон улсын XXXIII тэмцээнд хүчээ сорьсон Монголын эрэгтэй, эмэгтэй баг тамирчид 3 алт, 2 мөнгө, 2 хүрэл медаль хүртжээ.

Тухайлбал, БХЯ-ны харъяа Цэргийн гавьяаны улаан тугийн одонт Зэвсэгт хүчний "Алдар" спорт хорооны болон ҮШБ-ийн тамирчин ОУХМ Х.Энхмандах 52 кг-д, 57кг-д ОУХМ Х.Энх-Амар нар алтан медалийн эзэд болсон бөгөөд тэд ах дүү юм. Мөн “Алдар” болон ҮШБ-ийн тамирчин, ОУХМ Б.Чинзориг 64 кг-д хүрэл медаль тус тус хүртжээ. Эрэгтэй боксчдоос 75 кг-д ҮШБ-ийн тамирчин, ОУХМ О.Бямба-Эрдэнэ алтан медалийн эзэн болсон бол Эмэгтэй тамирчдаас 75 кг-д ОУХМ М.Мягмаржаргал, 69 кг-д У.Шинэцэцэг нар мөнгө, 51 кг-д ОУХМ Л.Алтанцэцэг хүрэл медаль тус тус хүртсэн байна.

Тэд энэ амжилтаараа багаараа II байрт шалгарчээ. Энэ тэмцээний өмнө Монголын боксын үндэсний шигшээ баг Турк улсын Истанбул хотод 5 улсын тамирчидтай 3 өдрийн хамтарсан бэлтгэл хийсэн байна.

Эх сурвалж: Монголын боксын холбоо

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.