Хөвсгөр мантуу хэрхэн хийх вэ

Twitter Print
2020 оны 09-р сар 12-нд 11:42 цагт
Мэдээний зураг,

Мантуу хийх орц найрлага, хийх арга, гурилын чанар гурав харилцан хамааралтай юм шиг санагддаг. Аль нэг нь л алдагдвал нөгөө хөх, годойсон ус гүйсэн бор мантуу чинь л болно шүү дээ

Орц:

Дээд гурил-500гр

Бүлээн ус-280гр

Исгэгч-2 ц/х

Элсэн чихэр-30гр

Давс-0,5 ц/х

У.тос-1х/х

Хийх арга нь:

Бүлээн усандаа+исгэгч+элсэн чихэр+у.тос зэргээ хийж хутгаад 7-8 минут амраана. Энэ хооронд дээд гуриландаа давсаа хийгээд холиод шигшинэ. Ингэж гурилын нягт байдлыг сийрэгжүүлж агаар оруулж өгсөнөөр хөөлтөнд илүү нөлөөлж сэвсгэр болох сайн талтай.

Исгэгчтэй ус чинь дээгүүр нь хөөс үүсээд бөмбөлөг үүсгэж иссэн (хэрвээ бөмбөлөг үүсээгүй бол усаа асгаад ахиад исгэсэн нь дээр, исэлт явагдаагүй гөлгөр усаар зуураад мантуу бараг хөөхгүй) байна. Үүгээрээ гурилаа зуураад 40 мин орчим амраана.

Амарсан гурилаа жаахан нухаад дурын хэвэнд оруулж хэвлэнэ. Жигнүүр дээрээ өрж тавиад, жигнүүрний доор савандаа халуун ус хийгээд дээр нь тавьчих. Ингээд 20-25 мин амраана. Манайхан мантуугаа хэвлэчихээд жигнүүр дээр тавиад шууд жигнэдэг, энэ хамгийн буруу шүү! Ингэж амарсан мантуу хэмжээ нь бараг 1 дахин өсөх тул, мантуу хоорондын зайг тооцоолоорой.

Ингээд 20 минут жигнээд, галаа унтраагаад 5 минут бас амраана. Шууд гаргавал халуун хүйтэн харшаад, ус гүйчихдэг болохоор заавал амраана шүү. Ингээд л, сэвсгэр хөвсгөр, амтлаг мантуу бэлэн болно доо.

Goodmom-н зураг.

Эх сурвалж: Goodmom 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.