Н.Номтойбаяр: Би УИХ-ын гишүүнээс чөлөөлөгдөх өргөдлөө өгч байна

Twitter Print
2020 оны 01-р сар 30-нд 15:20 цагт
Мэдээний зураг,

УИХ-ын гишүүн Н.Номтойбаярын бүрэн эрхийг түдгэлзүүлэх Улсын Ерөнхий прокурорын саналыг УИХ-ын нэгдсэн чуулганаар хаалттай хэлэлцэж, олонх нь дэмжжээ. 

Чуулганы хуралдааны завсарлагаанаар УИХ-ын гишүүн Н.Номтойбаяр "Намаас намайг хөөсөн учраас одоо надад ямар нэг нам, хамгаалалт байхгүй сул гишүүн болсон. Намайг 2020 онд нэр дэвшүүлэхгүй,улс төрөөс хөөж гаргах маш том компанит ажил явлаа. Гэхдээ би тэмцэх чадвартай учраас гомдсонгүй. Улс төрөөс хэсэг хугацаанд завсарлага авч байгаад миний эсрэг зохион байгуулалттай энэ ажлыг хийсэн хүмүүсийн эсрэг тэмцэх болно. УИХ-ын чуулганаар миний бүрэн эрхийг түдгэлзүүлэх асуудлыг хэлэлцэж байгаад санал хураалт нууцаар явуулсан.

Гэвч шийдвэрээ албажуулах тогтоол нь уначихлаа. УИХ-ын гишүүний бүрэн эрхийг түдгэлзүүлэх саналыг хүлээн авах хуулийн заалт байхгүй юм байна. Тиймээс би УИХ-ын гишүүнээс бүрмөсөн чөлөөлөгдөх хүсэлтээ өгч байна. Миний эсрэг зохион байгуулалттай компанит ажил явагдаж, мөнгө төгрөг өгсөн авсан зүйл боллоо. Хууль зүйн сайд ч сая ерөнхий прокурорт хандаж “ Хэрвээ зөвшөөрвөл надтай холбоотой хэргийн мэдээллийг нийтэд ил тод болго” хэмээн байр сууриа илэрхийллээ. Мөн "Хэвлэлийнхэн та нар ч мэдээллийг мушгин гуйвуулдаг арчаагүй зангаа боль" гэв.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.