ОХУ хийн экспортоо дахин бууруулна

Twitter Print
2022 оны 07-р сар 26-нд 12:42 цагт
Мэдээний зураг,

ОХУ-ын Газпром компани хий дамжуулах Норд Стрийм-1 хоолойгоор Европ руу экспортлох хийн хэмжээгээ засвар үйлчилгээний ажилтай холбоотойгоор дахин бууруулах болсноо мэдэгджээ.

Газпром компани Норд Стрийм-1 хий дамжуулах хоолойны дахин нэг турбины үйл ажиллагааг зогсоосноор Европ руу өдөрт экспортлох хийн хэмжээ 20 хувь болтлоо буурах аж. ХБНГУ-ын засгийн газар ОХУ-д байгалийн хийн нийлүүлтээ хязгаарлах техникийн шалтгаан байхгүй гэж үзэж байгаа аж.

Энэ байдлаараа Европын холбооны улс орнуудад эрчим хүчний хэрэглээ нэмэгддэг өвлийн улирлаас өмнө хийн нөөцөө нөхөх хүндрэлтэй болох юм. Норд Стрийм-1 нь ОХУ-аас ХБНГУ руу хий дамжуулдаг бөгөөд сүүлийн хэдэн сард бүрэн хүчин чадлаараа ажиллахгүй байгаа ба энэ сарын эхээр л гэхэд 10 хоногийн турш үйл ажиллагаагаа бүрэн зогсоосон билээ.

Москва Европ руу байгалийн хий экспортлох тухай гэрээнд заагдсан хэмжээнийхээ зөвхөн 40 хувийг л экспортолж байгаа ба ОХУ эрчим хүчээ зэвсэг болгон Европын холбооны эсрэг ашиглаж байна хэмээн барууны эрх баригчид буруутгасаар байгаа юм.

Эрчим хүчний хямралтай тулаад буй Европын холбооны зүгээс гишүүн орнууддаа ирэх 7 сарын хугацаанд эрчим хүчний хэрэглээгээ 15 хувиар бууруулахыг зөвлөөд байгаа юм.

Мөн Европын холбооны зөвлөлийн ерөнхийлөгч Урсула фон дэр Ляйен Москва хийн экспортоо зогсоох өндөр магадлалтай хэмээн анхааруулжээ. ОХУ Украин руу довтолсноос хойш байгалийн хийн үнэ өсөж, дэлхий даяар эрчим хүчний үнэ дагаж нэмэгдсэн билээ. Болж буй үйл явдалтай холбогдуулан Украины Ерөнхийлөгч Владимир Зеленский, "ОХУ нэгдсэн Европын эсрэг хийн дайн явуулж байна." хэмээн онцолжээ.

Газпром компанийн зүгээс техникийн шалтгааны улмаас энэ лхагва гарагаас эхлэн хий нийлүүлтээ бууруулахаа мэдэгдсэн байна. Нөгөө талаас Кремль ОХУ нь эрчим хүчний найдвартай түнш хэдий ч хийн экспорт нь доголдож байгаад барууны хориг арга хэмжээ буруутай хэмээн удаа дараа мэдэгдэж байсан билээ.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • ESUIGEN

      (197.211.53.29) 2022-07-28 15:05
      • 0
      • 0

      Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, имэйл: DR.PRADHAN.UROLOGIST.LT.COL@GMAIL.COM Үнэ: $780,000 USD Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу

      Хариулах