Биокомбинатад хүүхдийн эмнэлэг ашиглалтад орлоо

Twitter Print
2019 оны 11-р сар 22-нд 09:21 цагт
Мэдээний зураг,

Хан-Уул дүүргийн XII хороо буюу Биокомбинатад орчин үеийн тоног төхөөрөмжөөр тоноглогдсон хүүхдийн эмнэлэг нээлтээ хийж, ашиглалтад орлоо.

Эмнэлгийг Хангарьд-Улаанбаатар ТББ болон БНХАУ-ын Энхтайван хөгжлийн сангийн 500 мянган ам.долларын буцалтгүй тусламжаар барьсан бөгөөд 50 ортой аж. Тус эмнэлэг нь 150 мянган ам.долларын үнэ бүхий хамгийн сүүлийн үеийн шүдний эмчилгээний аппарат, сандал, сэхээн амьдруулахын багаж хэрэгсэл, цуллаг эрхтний эхоны орчин үеийн дэвшилтэт тоног төхөөрөмжөөр бүрэн тоноглогдсон байна.

Энхтайван хөгжлийн сангийн нарийн бичгийн дарга Ши Зян Гуао хэлэхдээ, “Манай сан жилийн нийт төсвийнхөө 10 хувийг Монгол дахь бүтээн байгуулалтад зарцуулдаг. 2014 оноос хойш Налайх, Чингэлтэй, Баянзүрх дүүргийн алслагдсан бүсүүдэд тус бүр 50 ортой хүүхдийн эмнэлэг барьж ашиглалтад оруулсан. Цаашид ч энэ үйл ажиллагаа үргэлжилнэ гэж итгэж байна” гэлээ. Хүүхдийн эмнэлгийн нээлтийн арга хэмжээнд Эрүү мэндийн сайд Д.Сарангэрэл оролцсон бөгөөд тэрээр "Сүүлийн 40 жилийн хугацаанд Хан-Уул дүүргийн XII хороонд нэг ч бүтээн байгуулалт хийгдээгүй байсан.

Тэгвэл тус хороонд 60 гаруй хоногийн дотор ийм эмнэлэг сүндэрлэсэнд баяртай байна. Хамгийн гол нь “Эрүүл хүүхэд-Эрүүл шүд” үдэсний хөтөлбөрийг хэрэгжүүлэх боломжийг бүрдүүлсэн тасагтай байгаагаарааа онцлогтой. Эрүүл мэндийн сайд, эх хүний хувьд алслагдсан хорооны иргэд тэр дундаа хүүхдүүдэд эрүүл мэндийн тусламж үйлчилгээг ойртуулж чадлаа” гэв.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.