Австрали улс энэ сарын 21-нээс олон улсын зорчигчдод хилээ нээхээр болсноо зарлалаа

Twitter Print
2022 оны 02-р сар 17-нд 09:48 цагт
Мэдээний зураг,

Австрали улс бүрэн вакцинаа хийлгэсэн олон улсын зорчигчдод 2-р сарын 21-нээс эхлэн хилээ нээхээр боллоо.

Өнөөдөр Ерөнхий сайд Scott Morrison жуулчид болон бусад олон улсын зорчигчид хоёр долоо хоногийн дараа Австралид ирэх боломжтой болсныг албан ёсоор зарлалаа.

Энэ бол Австраличуудын хувьд нэг зорилтоо биелүүлж буй чухал цаг үе хэмээн Ерөнхий сайд өнөөдөр хэвлэлийнхэнд хэлжээ.

Австралийн олон улсын хил 2020 оны 3-р сарын 20-ноос хойш буюу бараг 2 жил хаалттай байсны эцэст өнгөрсөн 12-р сард гадаад оюутан болон ажиллах хүмүүст хилээсээ нээсэн юм.

Одоо Австралид ирэх хүмүүс хоёр вакцин хийлгэсэн баримтаа үзүүлэх ёстой. Вакцин хийлгээгүй хүмүүс шалтгаанаа эмнэлгийн байгууллагын гаргасан тодорхойлолтоор нотлох юм байна.

Хил хаалттай байснаас уналтад ороод байсан аялал жуулчлалын салбарынхан хилээ нээхийг шаардсаар байсан юм.

Ихэнх муж, бүс нутгууд гаднаас ирсэн хүмүүсийг тусгаарлалт хийлгүйгээр нэвтрэхийг зөвшөөрч байгаа. Oдоогоор зөвхөн Western Australia муж л хоёр долоо хоногийн тусгаарлалт хийхийг шаардаж байна.

Omicron халдвар буурах шатандаа орж, эрүүл мэндийн салбарын байдал сайжрах төлөвтэй байна.

Томоохон мужууд халдварын оргил үеийг давж гарсан хэмээн эрүүл мэндийн албаныхан бидэнд сайхан мэдээ дуулгалаа хэмээн Ерөнхий сайд Morrison ярьсан байна.

Сөрөг хүчний хэвлэлийн төлөөлөгч Kristina Keneally хилийг нээж байгаа ч сайн ч бидэнд маш тодорхой төлөвлөгөө хэрэгтэй байна гэжээ.

Түүний хувьд хил албаныхан ирж байгаа хүмүүсийн вакцинжуулалтыг сайтар шалгах хэрэгтэйг анхааруулжээ.

Жаргалсайханы Ундрах

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (139.5.219.114) 2021-06-02 16:19
      • 0
      • 0

      Мулгуу ОРК вэ. Хүн алахаа шахсан гэмт этгээд юундаа ширээ сандалтайгаа зууралдаад байдаг юмбэ. Ичиж амьдраач ёс зүйгүй ОРК

      Хариулах