Авлигал авсан Х.Оргил-Эрдэнийн ах Х.Түвшин- Эрдэнэ хуурамч дүгнэлт гаргасан хэргээр ял сонслоо

Twitter Print
2020 оны 01-р сар 22-нд 09:35 цагт
Мэдээний зураг,

Зам тээврийн хөгжлийн яамны газрын даргаар ажиллаж байсан Х.Оргил-Эрдэнэ өрөөндөө хятадуудаас авлигал авч байгаад баригдсан билээ. Түүний төрсөн ах Х.Түвшин-Эрдэнэ мөн албан тушаалын хэргээр шүүхээс ял сонслоо. 

Шүүхийн шинжилгээний үндэсний хүрээлэнгийн шинжээч эмч Ж.Оюунаа, Х.Түвшин-Эрдэнэ, М.Золжаргал нарыг гэм буруутай эсэхийг хэлэлцэх шүүх хурал өчигдөр /2020.01.17/ 09:00 цагт Сүхбаатар дүүргийн эрүүгийн хэргийн анхан шатын шүүхэд боллоо. Тэднийг УИХ-ын гишүүн асан Д.Гантулгад холбогдох хэргийн нотлох баримтад шинжээчийн дүгнэлт гаргахдаа хариуг хуурамчаар үйлдсэн гэм буруутайд тооцсон байна. 

Сүхбаатар дүүргийн Эрүүгийн хэргийн анхан шатны шүүхээс шүүгдэгч Х.Түвшин-Эрдэнэд 2002 оны Эрүүгийн хуулийн тусгай ангийн 256 дугаар зүйлийн 256.1 /Хүч хэрэглэх, эд хөрөнгийг нь устгахаар заналхийлэх, шан харамж өгөх зэргээр гэрч, хохирогчоор худал мэдүүлэг өгүүлсэн, шинжээчээр худал дүгнэлт гаргуулсан, орчуулагчаар худал орчуулуулсан, хэлмэрчээр худал хэлмэрчлүүлсэн бол /-дэх хэсэгт зааснаар 1 жилийн хугацаагаар хорих ял оноож, Шүүгдэгч Ж.Оюунааг мөн хуулийн 254 дүгээр зүйлийн 254.1 /Хэрэг бүртгэлт, мөрдөн байцаалт болон арбитр, шүүхэд гэрч, хохирогч зориуд худал мэдүүлэг өгсөн, шинжээч зориуд худал дүгнэлт гаргасан, орчуулагч зориуд худал орчуулсан, хэлмэрч зориуд худал хэлмэрчилсэн бол /- дэх хэсэгт зааснаар хөдөлмөрийн хөлсний доод хэмжээг 80 дахин нэмэгдүүлсэнтэй тэнцэх буюу 19.200.000 төгрөгөөр, Шүүгдэгч Н.Золжаргалыг мөн хуулийн 245 дугаар зүйлийн 245.2 /Энэ хэргийг албан тушаалын байдлаа ашиглаж үйлдсэн бол /дахь хэсэгт зааснаар хөдөлмөрийн хөлсний доод хэмжээг 51 дахин нэмэгдүүлсэнтэй тэнцэх буюу 12.240.000 төгрөгөөр тус тус торгож шийдвэрлэсэн байна. 

Х. Оргил-Эрдэнэ, Х.Түвшин- Эрдэнэ нар нь төрсөн ах дүүс бөгөөд Архангай аймгийн харьяат ажээ. 

Сэтгүүлч Б.Отгон 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Ardiin elch

      (203.194.115.121) 2014-06-04 09:02
      • 0
      • 0

      say sayaaraa idej uutsgaagaad shuuh huralaa hoishluulsaar bgaad barag yal avj bga hun bgamuu

      Хариулах