Ж.Баден 4 үе шатаар хэрэгжүүлэх 2.25 их наяд ам долларын багц хөтөлбөрөө танилцууллаа

Twitter Print
2021 оны 04-р сар 02-нд 08:30 цагт
Мэдээний зураг,

Саяхан АНУ-ын Конгрессоос ковидын улмаас хүндрэлд учирсан бизнес, эдийн засаг, өрх гэрийн орлогыг дэмжих $1.9 их наяд ам долларын хөтөлбөрийг батлан гаргасан билээ.

Тэгвэл АНУ-ын Ерөнхийлөгч Ж.Баден ирэх 8 жилийн хугацаанд 4 үе шатаар хэрэгжүүлэх АНУ-ын дэд бүтэц, орон сууц, нийгмийн үйлчилгээний салбарын чанарыг сайжруулах $2.25 их наяд ам долларын багц хөтөлбөрийг боловсруулсан гэдгийг зарлажээ.

Уг хөтөлбөрийн хүрээнд:

- Айл өрхийн усан хангамж, интернэтийн үйлчилгээний хүртээмжийг сайжруулах зэрэг арга хэмжээнд 650,0 тэрбум ам доллар,

- Аж үйлдвэрлэлийг салбарыг хөгжүүлэхэд 580,0 тэрбум ам доллар,

- Батлан хамгаалахаас бусад салбарын шинжлэх ухааны судалгаа, шинжилгээг улам хөгжүүлэхэд 180,0 тэрбум ам доллар,

- Өндөр настан болон хөгжлийн бэрхшээлтэй\ иргэдэд үзүүлэх үйлчилгээг сайжруулахад 400,0 тэрбум ам долларыг зарцуулахаар төлөвлөжээ.

Дээр дурьдсан арга хэмжээний санхүүжилтийн эх үүсвэрийг бүрдүүлэхийн тулд аж ахуйн нэгжийн орлогын албан татварыг шатлалтайгаар 21 хувиас 28 хувьд хүргэн өсгөхөөр төлөвлөж байгаа гэнэ. Энэ удаад танилцуулж байгаа хөтөлбөр нь Ерөнхийлөгч Ж.Бадены Засгийн газрын хөтөлбөрийн эхний багц хэсэг бөгөөд дараагийн багц хэсгийг \боловсрол, эрүүл мэнд, хүүхэд хамгаалал гэх мэт асуудлаар\ 4-р сарын дундуур олон нийтэд танилцуулах ажээ.

Н.Энхбаяр

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.