Испанийн дээд лигийн шилдгүүд

Twitter Print
2014 оны 06-р сар 03-нд 07:22 цагт
Мэдээний зураг,

Испанийн аварга шалгаруулах тэмцээнд “Атлетико Мадрид” баг түрүүлсэн нь хөлбөмбөгийн олон фанатуудыг баярлуулсан. Үнэндээ сүүлийн арван жил “Барселона”, “Реал Мадрид” гэсэн хоёрхон баг ээлжлэн түрүүлжээ. Эль Классикогоос өмнө 2003 онд “Валенсиа” Ла лигт түрүүлсэн юм. Д.Симеонегийн шавь нар энэ улиралд талбай дээрээ хожигдоогүй. Мөн Каталоны “Барса”, Эзэн хааны “Реал”-той дөрвөн тоглолт хийхдээ нэг ч хожигдоогүй аж. Испанийн лигийн улирлын шилдгүүдийг шалгаруулахад шилдэг довтлогч Д.Коста, шилдэг хаалгач Т.Куртуа, шилдэг дасгалжуулагч Д.Симеоне зэрэг бүгд “Атлетико Мадрид”-аас тодорлоо.

Харин улирлын шилдэг наймаагаар “Реал Мадрид” Английн “Тоттенхэм”-ээс Г.Бэйлийг авсан солилцоо байв. Уэльс залууг Эзэн хааны баг 100 сая ам.доллараар өөрийн болгосон. Үүнийхээ ачаар “Аваргуудын лиг”-ийн шигшээд нутгийн өрсөлдөгч “Атлетико”-г буулган авсан билээ. Мөн шилдэг залуу тоглогчийн шагналыг энэ улиралд “Сельта”-д зээлээр тоглосон “Барселона”-гийн Рафинья Алкантара хүртжээ. Тэрээр өнгөрч буй улиралд 32 тоглолтонд оролцож 4 гоолыг өөрийн нэр дээр бүртгүүлсэн байна.

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.