Спортын гимнастикийн тамирчид олон улсын тэмцээнд хоёрдугаар байр эзэллээ

Twitter Print
2020 оны 01-р сар 20-нд 13:07 цагт
Мэдээний зураг,

Монголын гимнастикийн холбооны Спортын гимнастикийн эрэгтэй, эмэгтэй баг тамирчид ОХУ-ын “БЛАГОВЕЩЕНСК” хотноо 2020 оны 01 дүгээр сарын 16/18-ний өдрүүдэд “БЛАГОВЕЩЕНСК” хотын захирагчийн нэрэмжит 21 дахь удаагийн ОУ-ын тэмцээнд амжилттай оролцлоо.

Баг тамирчдыг дасгалжуулан дасгалжуулагч багш Спортын мастер Э.Оргилмаа, Спортын мастер Б.Мөнхсайхан нар ажиллалаа. Энэхүү тэмцээнд Монгол, ОХУ-ын Владивосток, Благовещенск, Чита, Хабаровск, Райчихинск, Комсомольск, Биробиджан нийт 2 орны 8 багийн 100 гаруй тамирчид өсвөр нас, насанд хүрэгчдийн ангиллаар оролцож байгаа бөгөөд манай баг тамирчдаас Д.Энхтүвшин 6 хэрэглэлийн нийлбэр дүнгээр алтан медаль, эмэгтэй спортын мастерын ангилалд Э.Мөнхнаран 4 хэрэглэлийн нийлбэрээр алтан медаль, спортын 1 зэргийн ангилалд О. Сарнай 4 хэрэглэлийн нийлбэр дүнгээр мөнгөн медаль тус тус хуртлээ.

Хэрэглэл тус бүрийн шигшээ тэмцээнд Д.Энхтүвшин чөлөөт хөдөлгөөнд алт, харайлтанд алт, турник алт, суга савлуур алт, Э.Мөнхнаран харайлтанд алт, дамжуурга алтан медаль, чөлөөт хөдөлгөөн алтан медал хүртсэн бол О.Сарнай харайлтанд алтан медаль, С.Намуунжаргал дамжуурга хүрэл медаль, Ц.Сэрчмаа харайлтанд мөнгөн медаль, дамжуурга хүрэл, чөлөөт хөдөлгөөнд алтан медаль тус тус авлаа. Эмэгтэй тамирчид багийн нийлбэр дүнгээр 2-р байр эзлэв. Медальт байрт шалгарсан тамирчдадаа болон Дасгалжуулагч багш нартаа спортын өндөр амжилт хүсье. 

Дашрамд мэдээлэхэд, МУ-ын Засгийн газрын тэтгэлгээр ОХУ-ын Москва хотын Биеийн Тамирын Академийн бакалаврын түвшинд“Спортын гимнастикийн дасгалжуулагч” мэргэжлээр суралцаж байгаа Б.Мөнхсайхан баг тамирчдыг дасгалжуулан, орчуулга хийж, газарчилж байгаад баяртай байна. Тодруулбал, түүний ээж, дасгалжуулагч, ОУХМастер Д.Оюунтуяа нь 1980 оны Москвагийн зуны Олимпийн тоглолтод амжилттай оролцож Монгол хүн гимнастикийн төрлөөр анх удаа шилдэг 24-р байрт шалгарч байсан амжилтыг үзүүлж байсан юм.

А.Алтанчимэг 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.