А.Лукашенко жагсаал цуглааныг тараахыг тушаажээ

Twitter Print
2020 оны 08-р сар 20-нд 11:28 цагт
Мэдээний зураг,

Беларусийн Ерөнхийлөгч А.Лукашенко сонгуулийн дүнг эсэргүүцсэн иргэдийн жагсаал цуглааныг тараахыг тушаажээ. Беларусийн СЕХ-ноос энэ сарын 9-нд болсон Ерөнхийлөгчийн сонгуулиар А. Лукашенко сонгогчдын 80 гаруй хувийн саналыг авч, сонгуульд ялалт байгуулсан гэж мэдэгдсэн билээ.

Сонгуулийн үр дүнг мэдэгдсэний дараагаар А. Лукашенког сонгуулийн үр дүнг луйвардсан хэмээн үзэж буй хэдэн 10 мянган иргэд гудамжнаа гарч жагссан ба сонгуулийн дүнг эсэргүүцсэн иргэдийн жагсаал цуглаан 10 дахь өдрөө үргэлжилж байна. Беларуст үүссэн нөхцөл байдалтай холбоотойгоор Европын холбооны улс орнууд Беларусийн эсрэг хориг арга хэмжээ авах дээр зөвшилцөлд хүрч чаджээ. Европын холбооны зөвлөлийн ерөнхийлөгч Шарль Мишель Европын холбооны улс орнууд Беларусийн Ерөнхийлөгчийн сонгуулийн үр дүнг хүлээн зөвшөөрөхгүй байгаа гэдгийг мэдэгдэн, А. Лукашенкогоос жагсаалын үеэр баривчлагдсан хэдэн зуун иргэдийг даруй суллахыг шаарджээ.

Нөгөө талаас Ерөнхийлөгч А. Лукашенко шинэ засгийн газрын бүрэлдэхүүнийг танилцуулсан нь дийлэнх нь өмнөх засгийн газрын бүрэлдэхүүнд байсан гишүүд байгаа ба Роман Головченко дахин Ерөнхий сайдын албан тушаалыг хашихаар болжээ. Түүнчлэн олон нийтийн аюулгүй байдлыг хангах үүрэгтэй Дотоод хэргийн яамны сайдаар Юрий Караев дахин ажиллах аж. Ерөнхийлөгч А. Лукашенко Беларусийн аюулгүйн зөвлөлөөс нийслэл Минскт болж буй эмх замбараагүй байдлыг зогсоохыг шаардахаас гадна хилийн хамгаалалтыг чангатгахыг тушаажээ. Түүнчлэн жагсаалд цуглаанд оролцсон улсын төв телевизийн ажилчдыг дахин хуучин ажлын байранд нь авахгүй гэдгийг онцолжээ. Литва руу зугтсан сөрөг хүчний нэр дэвшигч С. Тихановская Европын холбооноос Беларусийн Ерөнхийлөгчийн сонгуулийн үр дүнг хүлээн зөвшөөрөхгүй байхыг хүссэн байна.

Belarus unrest: Lukashenko steps up efforts to reassert control ...

3 цаг үргэлжилсэн цахим хурлын үр дүнд Европын холбооны удирдагчид Беларусийн Ерөнхийлөгчийн сонгуулийн үр дүнг луйвардахад оролцсон мөн жагсаал цуглааны үеэр жагсагчдын эсрэг хүч хэрэглэх, жагсагчдыг баривчилсан явдалд холбоотой төрийн албан хаагчдын Европ дахь хөрөнгийг царцаах, жагсагчдын талд байгаа, тэднийг дэмжиж буйгаа илэрхийлэх, засгийн газар болон сөрөг хүчнийг хоорондоо тайван замаар зөвшилцөлд хүрэх явдалд дэмжлэг үзүүлэхээр шийджээ.

Түүнээс гадна Европын холбооноос Беларусийн засгийн газарт 53 сая еврогийн санхүүгийн тусламж үзүүлэх байснаа зогсоож, уг мөнгийг Беларусийн төрийн бус байгууллагуудад хуваарилан өгөхөөр шийдсэн байна.

Эх сурвалж: BBC

Содномцэрэнгийн Энхзаяа 

mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.