Гренландын мөс их хэмжээгээр хайлжээ

Twitter Print
2022 оны 07-р сар 22-нд 11:12 цагт
Мэдээний зураг,

Гренланд арлын хойд хэсэгт хэдэн өдрийн турш цаг агаар өмнөх жилүүдийнхээс дулаан байсантай холбоотойгоор арлын мөс их хэмжээгээр хайлжээ.

Цаг агаарын хэм Цельсийн 15.5 хэм байсан нь өмнөх жилүүдийн дунджаас ойролцоогоор 2.5 хэмээр өндөр байсан аж.

АНУ-ын Цас болон Мөсний дата төвөөс мэдээлснээр энэ сарын 15-наас 17-ны хооронд Гренландад өдөртөө 6 тэрбум тонн мөс хайлсан нь Олимпын 50 м урттай 7.2 сая ширхэг усан бассейныг дүүргэхэд хангалттай их ус аж. 2019 онд Гренландын эргээс 532 тэрбум тонн мөс салж, далай руу урссан билээ. Үүний үр дүнд дэлхийн далайн түвшин эргэлт буцалтгүйгээр 1.5 мм-ээр нэмэгдсэн билээ.

Эрдэмтэд үүнтэй адил явдал давтагдахвий хэмээн санаа зовниж байна. Хүний нөлөөнөөс үүссэн уур амьсгалын өөрчлөлт эхлэхээс өмнө Гренландад агаарын хэм Цельсийн 0 хэмээс давж байсан удаа байхгүй аж.

Гэтэл 1980-аад оноос хойш Гренланд арлын агаарын хэм дэлхийн дунджаас 4 дахин хурдтайгаар дулаарч эхэлжээ.

Эрдэмтэд сүүлд хийсэн судалгаагаараа Гренландын мөсөн бүрхүүл ёроол хэсгээрээ хайлж байгааг тогтоосон ба энэ нь арлаас том хэмжээний мөс тасрахад нөлөөлж болзошгүй хэмээн эмээж байгаа аж.

Гренланд арал дэлхийн далайн түвшинг 7.5 метрээр нэмэх хэмжээний мөс агуулдаг байна.

Эх сурвалж: CNN

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.