Иргэд байр авах журмаа судлаагүйгээс хүндрэл үүсч байна

Twitter Print
2014 оны 05-р сар 30-нд 15:31 цагт
Мэдээний зураг,

Засгийн газраас зорилтот бүлгийн иргэдийг олон сууцаар хангах хөтөлбөрийн хүрээнд баригдсан "Буянт-Ухаа 1" хороололд байр авах хүсэлтэй иргэдийн дунд сугалаа явуулж 1540 иргэн шалгараад байгаа. Харин сугалаанд шалгарсан иргэдийн зарим нь банкны шаргуурыг даваагүйгээс байраа авч чадахгүйд хүрээд байна. 

Энэ тухай албаны хүнээс тодруулахад байраа авч чадахгүй байгаа, банкны шалгуур хангахгүй буцаж байгаа иргэд сугалаанд оролцохдоо л байр авах журмаа сайн судлаж, мэдээгүйгээс ийм асуудал үүсч байна гэв. Өчигдөр болсон Ерөнхий сайдын 30 минутын үеэр сэтгүүлчийн энэ талаар тавьсан асуултанд Ерөнхий сайд "иргэд өөрсдөө банкны тавьсан шаардлагыг хангаж, урьдчилгаа 30 хувийн бэлэн мөнгөө төлж байж, 20 жилийн хугацаатай, хүү багатай зээл авах нөхцөл бололцоо нь үүснэ. Банкны дотоод журамд бид нөлөөлөх эрхгүй" гэсэн юм. 

Харин Төрийн Орон сууцны Корпорацаас өгсөн мэдээллээр бол сугалаанд шалгарсан иргэд байр, давхар, тоотоо сонгож байгаа. Энэ ажиллагаа 5-р сарын 12ноос эхэлсэн гэв. 

Байр авах иргэд шалгарч, олон нийтэд нээлтэй зарлагдсанаас хойш 45 хоногийн хугацаанд байраа сонгож, урьдчилгаа төлбөрөө төлөх юм. Харин худалдан авах орон сууцаа сонгосон иргэд 10 хоногт амжиж банктай гэрээ хийж, урьдчилгаагаа өгөх ёстой юм байна. Хэрэв энэ хугацаанд амжихгүй бол тухайн хүний хийсэн сонголт хүчингүй болж, дараагийн төлбөрөө хийсэн хүнд шилжих ба хоцорсон хүн өөр байранд дахин давхар, тоот сонгох асуудал гарч ирнэ. Үүнийг иргэд буруу ойлгоод, байр авах эрх нь хүчингүй болох мэт ойлгоод байна. Энэ бол ташаа ойлголт гэлээ.

"Буянт-Ухаа 1" хорооллын орон сууцанд иргэдээс захиалга авах журам" гэж Засгийн газрын тогтоолоор батлагдсан журам байгаа. Энэ журмын 4.1.2-т 30-аас доошгүй хувийг урьдчилан төлнө, харин 4.1.8-д орон сууцны үлдэгдэл төлөхөөр банкны зээл авахад банк санхүүгийн байгууллагаас холбогдох журмын дагуу зээлдэгчид тавигдах нөхцөл шалгуурыг хангасан байх ёстой гэж заасан байгаа юм. Энэ бол журамд заасан нийтлэг шаардлага. Гэтэл хүмүүс Монгол Улсын иргэн байх, анх удаа орон сууц худалдан авах зэрэг шалгууруудыг уншиж, нэгнээсээ мэдээлээл авчихаад хамгийн чухал нийтлэг шаардлагыг ойлгож уншаагүй байгаа юм. Ингээд л журмын шаардлага хангахгүй хүмүүс бүртгэгдсэнээс болоод ийм асуудал үүсч байна.

Мөн өндөр настай иргэдийн хувьд заавал батлан даагчтай байх шаардлагатай юм байна. Эдгээр байр авах эрх үүсээд байгаа 1540 иргэнээс нийт 319 хүн тэтгэвэрийн насанд дөхсөн, тэтгэвэрт гарсан, хөгжлийн бэрхшээлтэй иргэд байгаа аж. Харин эдгээр хүмүүсийн батлан даагч нар нь өөрсдөө банкны зээлтэй, байрны хөнгөлөлттэй зээлд хамрагдсан гэх зэрэг үндэслэлээр батлан даагчийн шаардлага хангахгүй байна.  

Иймд иргэд дараа дараагийн байрны сугалаанд журмаа сайтар судлаж, шаардлага хангаж байгаа эсэхээ урьдчилан мэдээд оролцвол хаа, хаанаа хүндрэл чирэгдэл үүсэхгүйг ТОСК-аас анхааруулж байна. 

 

Сэтгүүлч Ц.Мөнхбаяр

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (112.72.13.107) 2014-05-30 12:25
      • 0
      • 0

      Эхлээд журмаа судлаад, авах гэж байгаа байрныхаа метр кв-ыг мэдэж байвал тооцоолоод би 30 хувь урьдчилгаа төлнө, энэ нь тэд болно гэсэн ойлголттой, 2. тэр мөнгө нь байж байгаа хүн л сугалаанд оролцмоор байгаа байхгүй юу. Ингээд л тэнэгийн дотор уужуу гэдэг шиг худлаа мэдэн будилаад л засаг төр, өөртөө, бусдад лай болоод яваа хүмүүс ерөөсөө яршигтай юм. Монголчууд гэхээрээ д тэнэг байх ёстой юм шиг. Гудамжинд яваа хүмүүс, машинтай хүмүүсийг харахаар улам л тэнэг бүдүүлэг болоод байгаа юм шиг санагдах юм. Хүнтэй ч таван үг зүгээр сольчихож чадахгүй, юм асуусан ч хэрүүл өдөж байгаа юм шиг хар яр гээд л аймшигтай ууртай, үзэн ядалтаар дүүрэн, мулгуу хүмүүс. Уучлаарай та тийм ангилалд багтдаггүй бол.

      Хариулах

    • werty

      (203.169.52.60) 2014-05-30 12:14
      • 0
      • 0

      orlogoo yrdchilaad banknaas todorhoi bologmoor uymaa, naad jyrmandaa orchilt oryylachee,

      Хариулах