ДЭМБ, Европын Эмийн агентлагаас зөвшөөрөгдсөн вакцинд хамрагдсан иргэдийг нэвтрүүлнэ

Twitter Print
2021 оны 05-р сар 31-нд 09:38 цагт
Мэдээний зураг,

Европын холбоо Европын Эмийн агентлаг болон ДЭМБ-аас зөвшөөрөгдсөн коронавирусын эсрэг вакцинд бүрэн хамрагдсан болон коронавирусын халдвар цөөхөн бүртгэгдсэн нэр бүхий улс орнуудын иргэдэд хилээ нээх тал дээр зөвшилцөлд хүрчээ.

Европын холбооны 27 гишүүн улсын эрх баригчид Европын холбооны улс орнууд руу сүүлийн жил гаруй хугацаанд нэвтэрч чадаагүй жуулчдыг хүлээн авах нэгдсэн нэг төлөвлөгөөг боловсруулсан байна.

Европын холбооны уг шийдвэр нь Грек, Испани зэрэг эдийн засаг нь аялал жуулчлалаас хамааралтай улс орнуудын хувьд чухал ач холбогдолтой юм.

Харин улсынх нь эдийн засаг аялал жуулчлалаас хамаарал багатай Европын улс орнууд тэр дундаа хойд Европын орнууд коронавирусын халдварын тархалтыг хяналтандаа байлгахын тулд гадны жуулчдад илүү өндөр шаардлага тавихаар төлөвлөжээ.

Грек улс коронавирусын эсрэг вакциндаа бүрэн хамрагдсан иргэдээс шинжилгээний бичиг шаардаж, тусгаарлахгүй гэдгээ мэдэгдсэн бол бусад улс орнууд Гректэй адил шийдвэр гаргахыг яарахгүй байна.

Европын холбоо Европын Эмийн агентлаг болон ДЭМБ-аас зөвшөөрөгдсөн коронавирусын эсрэг вакцины бүрэн тундаа хамрагдаад багадаа 14 хоносон иргэдийг хилээрээ нэвтрүүлэх ба зөвшөөрөгдсөн вакцинуудын жагсаалтанд AstraZeneca, Johnson & Johnson, Moderna, Pfizer-BioNTech болон Sinopharm компаниудын вакцинууд багтаж байгаа аж.

Түүнчлэн Европын холбооноос аюулгүй гэж тогтоосон улс орнуудаас ирж буй жуулчид нь коронавирусын эсрэг вакцинд хамрагдаагүй байж болох аж.

Коронавирусын халдвар тараах эрсдэл багатай буюу аюулгүй улс орнуудын жагсаалтанд сүүлийн 14 хоногийн турш 100 мянган хүн тутамд бүртгэгдэх коронавирусын халдварын тоо 75-аас бага байсан орнууд багтах аж. Аюулгүй улс орноос ирж буй жуулчид коронавирусын эсрэг вакцинд хамрагдаагүй байж болох ч Европын холбооны хилээр нэвтрэхдээ PCR шинжилгээний хариу нь сөрөг гарсан гэсэн бичгийг үзүүлэх ёстой аж.

Түүнээс гадна Европын холбооны улс орнууд хилээр нь нэвтрэх гэж буй жуулчдад тусдаа шаардлага тавих эрхтэй бөгөөд зарим улс орнууд вакцин хийлгэсэн гэсэн гэрчилгээнээс гадна PCR шинжилгээний сөрөг хариу шаардаж болзошгүй ба зарим иргэдийг тусгаарлалтанд орохыг шаардах аж.

Хамт аялж буй ээж аав нь коронавирусын эсрэг вакциндаа бүрэн хамрагдсан бол хүүхдүүдээс нь вакцинд хамрагдсан гэсэн бичиг шаардахгүй ч зарим улс орнууд хүүхдүүдээс сүүлийн 72 цагт PCR шинжилгээ өгч, хариу нь сөрөг гарсан бичиг шаардаж магадгүй аж.

https://www.nytimes.com/2021/05/19/world/europe/travel-vaccine

Орчуулсан: Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.