К.Бош дабль-дабль хийсэн ч баг нь ялагдал хүлээлээ

Twitter Print
2014 оны 05-р сар 29-нд 15:37 цагт
Мэдээний зураг,

Өнөөдөр “Майами Хит”-“Индиана Пэйзерс” багуудын цуврал тав дахь тоглолт боллоо. 2013 оны бүсийн аваргын төлөө шалгаран үлдэхэд “Майами” долоон тоглолтын эцэст “Жороо морьд”-ыг буулган авсан. Харин өнөө жил аваргууд 3:1-ээр тэргүүлж байсан бол өнөөдөр “Индиана” талбай дээрээ хүчтэй өрсөлдөгчөө 93:90-ээр хожсон байна. Ингэснээр цувралын харьцаа 3:2 болсон юм. Энэ өдөр зочин багаас К.Бош 20 оноо, 10 самбар, Д.Уэйд 18 оноо, 8 самбар, 7 оновчтой дамжуулалт, Р.Льюис 18 оноо, Р.Аллен 15 оноо авчээ. Харин Л.Жеймс 7 оноо авсан аж.

Энэ нь сүүлийн хэдэн жил плей-оффт нэг оронтой оноо авсан анхны тохиолдол боллоо. Өнгөрсөн жилийн плей-оффт өөрийгөө нээж таниулсан П.Жорж өнөөдөр 37 оноогоор багийн нөхдөө тэргүүлсэн бол Р.Хибберт 10 оноо, 13 самбар, Д.Уэст 19 оноо, Л.Стэфенсон 12 оноо авсан байна. Маргааш өрнөд бүсийн аваргын цуврал тавь тоглолт Сан Антонио хотод болно. “Оклахома Сити Тандер”-“Сан Антонио Сперс” 2:2-ын харьцаатай явж байгаа юм.

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.