Дайны аялал жуулчлал-Багдадад аялахад 40,000 долларын үнэтэй

Twitter Print
2013 оны 11-р сар 03-нд 12:30 цагт
Мэдээний зураг,

Адал явдалт аялал жуулчлал, шувуу сонирхогчдын аялал гэх мэтээр аялал жуулчлалын салбарыг дагнан хөгжүүлэх хандлага бий болоод байгаа. Гэтэл дайны аялал жуулчлал гэж нэрлэсэн, цоо шинэ, өвөрмөц үйлчилгээ бий болжээ. Үүнийг адал явдалд хэт их дурлагсдад зориулсан гэхэд болно. Жишээ нь Багдадад аялахад 40,000 долларын үнэтэй байдаг байна.

Энэ төрлийн аяллын маршрут нь Иракийн нийслэл Багдад болон Сомалийн нийслэл Могадишу хотууд юм. Financial Times сонины мэдээлж байгаагаар Туркээр дамжин Сирид очих аялал зохион байгуулах бэлтгэлийг хангаж байжээ. Гэвч АНУ-ын аялал жуулчлалын компанийг “Аль Кайдагийн дэмжигчид” гэж үзэн, хар жагсаалтдаа оруулж болзошгүй гэж болгоомжлон, цуцалсан байна.

25 жилийн турш армид алба хаасан Sweeney, “Босниа, Иракт үүрэг гүйцэтгэж байхдаа би олон сайхан газрыг харсан. Бас нутгийн иргэдтэй ярилцахад сайхан байдаг.” гэжээ. Тэр “Дайны бүс” гэж нэрлэсэн компаниа 2008 онд байгуулжээ. Afganistan, Дундад Азийн мөргөлдөөнтэй бүс нутгуудад аялал зохион байгуулдаг өөр компани ч бий. Ливи, Умард Солонгос зэрэг улсууд энэ компаниудын гол маршрут болдог байна. New York Times сонины Балканы орнуудыг хариуцсан сэтгүүлч Nicholas Wood 2011 онд “Улс төрийн аялал” компанийг байгуулж, энэ бизнест хөл тавьжээ. Түүний зорилго нь аялагчдад тухайн газар нутгийн талаарх ойлголт, мэдээллийг өгөх, дадал хэвшил болсон музейгээр зугаалахаас өөр зүйлийг үзүүлэх гэнэ. Ливид АНУ-ын ЭСЯ руу халдаж, 4 дипломатчийн аминд хүрсэн хэрэг гарсан. Үүний дараа тэрээр Бингази хот руу зохион байгуулдаг аяллаа зогсоожээ. Гэхдээ дайны аялал жуулчлалыг бусдын зовлон зүдгүүрээс мөнгө оллоо гэж шүүмжлэх хэсэг ч байна. Харин аяллыг зохион байгуулагчид бид харин ч нутгийн иргэдэд бодол санаагаа бусадтай хуваалцахад нь тусалдаг ажээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.