Түүх давтагдаж магадгүй

Twitter Print
2014 оны 05-р сар 28-нд 15:01 цагт
Мэдээний зураг,

NBA-ийн бүсийн аваргын төлөөх тоглолтууд үргэлжилж байна. Өчигдөр “Майами Хит” өрсөлдөгчөө 102:90-ээр буулган авч цувралд ялалт байгуулах боломжоо хадгалж үлдсэн. Харин өнөөдөр “Оклахома Сити Тандер”-“Сан Антонио Сперс” багуудын дөрөв дэх тоглолт болж цувралын харьцаа 2:2 болж тэнцлээ. Талбай дээрээ хоёр дараалан хожиж давуу байдлыг олж авсан “Сан Антонио” зочлон тоглоод өөрсдийн хөдөлмбөрийг үгүй хийж дахин шинээр эхлэхээр болов. Өнөөдөр талбайн эздээс Р.Уэстбрук 40 оноо, 10 оновчтой дамжуулалт, К.Дюрант 31 оноогоор багийн нөхдөө тэргүүлсэн К.Перкинс 10 удаа самбараас бөмбөг авсан нь тэмдэглүүштэй үйл явдал боллоо хэмээн тоглолтын дараа С.Брукс хэлж байлаа.

“Сан Антонио Сперс”-ын Т.Паркер 14 оноо, Б.Диав 14 оноо, 10 самбар, К.Леонард 10 авсан бол Т.Данкан ердөө 9 оноо цуглуулжээ. NBA-ийн дөрвөн удаагийн аварга, ирээдүйн алдрын танхимын гишүүн Тими энэ улирал, плей-оффт олон дээд амжилтын эзэн боллоо. 1998 оны драфтын №1 сонголтоор Техас мужийн багт ирж байсан Тим Данкан 16 жил далайн чанадын мэргэжлийн лигт тоглохдоо плей-оффт тогтоосон дээд амжилтууд нь хамгийн олон удаа самбараас бөмбөг авсан, хамгийн олон удаа дабль-дабль хийсэн, хамгийн олон тоглолт дараалж 10-аас дээш оноо авсан. Мөн плей-оффт 4000-аас дээш оноо авсан цөөхөн тоглогчдын нэг юм.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.