Гэрлэлтийн харилцаа бол гэрээний харилцаа

Twitter Print
2019 оны 11-р сар 13-нд 16:15 цагт
Мэдээний зураг,

Энэ нь хуулийн өмнө эрхээ эдэлж, үйлдлийнхээ хариуцлагыг үүрэх чадамжтай бие хүний төлөвшил бүхий насанд хүрэгчдийн өндөр ёс суртахуунт харилцаа юм.

Гэрээ нь харилцаанд оролцогчдын эдлэх эрх, үүрэг хариуцлага, хүртэх ашиг хувь хэмжээг тогтоож өгнө. Гэрээний нөхцөл хэрэгжихэд хууль үйлчилнэ. Монгол гэдэг нэгэн улсад нийтээр дагаж мөрдөх өөрийн гэсэн хууль, тогтоомжууд бий. “Тийм ээ, би энэ улсын иргэн нь. Бид хамтдаа нэг улсын дотор адилхан тэгш эрхийг эдэлж, энх тайвнаар, эрх чөлөөтэй зэрэгцэн амьдарцгаая. Адилхан эрхээ эдэлж, адилхан үүрэг хариуцлагаа биелүүлж, хамтдаа хувиа хүртэцгээе. Үүний тулд бие хүний ёс суртахуун, зан үйлийн хэм хэмжээг тогтоож өгсөн хуулиа даган мөрдөцгөөе” гэдэг. Ялгаварлал байхгүй!

Харин гэрээний харилцаа гэж юу болохыг болон хуулийг мэдэхгүйгээс эсвэл дургүйгээсээ гэрээнд тусгагддаг нөхцөлийг аль нэг тал нь өөрийн давуу байдлаараа зөрчвөл, өөрөөр хэлбэл эрхээ эдэлж, хувиа хүртчихээд үүрэг хариуцлагаа биелүүлэхгүй бол эсвэл үүрэг хариуцлагаа биелүүлчихээд эрхээ эдэлж чадахгүй, хувиа ч хүртэж чадахгүй тэгээд үүнд нь хууль ялгаварлал гаргаад үйлчлэхгүй бол тэнд зөрчил үүснэ!

Гэрээ болон хууль нь хамтдаа хил хязгаарыг тодорхой болгож, дэмжиж өгнө. Ийм тодорхой хил хязгаар байдаггүй гэрлэлтийн амьдралд нэг нь эрхээ эдэлж, хувиа хүртчихээд үүрэг хариуцлагаа биелүүлэхгүй “дураараа авирлаж” байхад нөгөө нь үүрэг хариуцлагаа давхар, давхраар нь үүрчихээд эрхээ ч эдэлж чадахгүй, хувиа ч хүртсэн юмгүй сэтгэлийн зовлонг эдэлж суух нь олон. Асуудал нь, сэтгэлийн зовлонг эдэлж байгаа хүн нь өөрөө анхнаасаа л хил хязгаараа тодорхой болгоогүйд байдаг. Нэг талаас, нэг хэсэг нь үүргээ биелүүлчихээд эдлэх эрхээ эдэлж чадахгүй, хувь ноогдлоо ч амсаж чадахгүй байгаадаа бухимдаж гэрээний нөхцөлөө шаардах боловч, харамсалтай нь хууль нь үйлчилдэггүй.

Хуулийг үйлчилдэг болгохын тулд тууштай оролдлого шаардлагатай. Тухайн бүтцийн том жижигээсээ шалтгаалаад энэ нь янз бүр. Гэрлэлт бол харьцангуй жижиг бүтэц. Хуулийг адил тэгш үйлчилдэг болгох боломж өндөр. Юуны өмнө оролцогч талууд өөрийн хил хязгаараа мэдэх шаардлагатай. Хил хязгаар нь намайг хэн болохыг тодорхойлж, би юуг хүсдэг юунд дургүйг илэрхийлж өгнө. Үүний үндсэн чухал бүрдэл нь Хайр, Хариуцлага, Эрх чөлөө болно.

Эх сурвалж: Гэр бүл судлаач Чинбат

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.