2020 онд дэлхийн ихэнх улс орнууд коронавирусын цар тахлын улмаас эдийн засгийн уналтанд орсон бол БНХАУ-ын эдийн засаг 2.3 хувиар өсчээ.
Хятадын эдийн засгийн хувьд энэ нь 1976 оноос хойшхи хамгийн бага үзүүлэлт болж байгаа ч БНХАУ "Их-20" -ийн улс орнуудаас ДНБ нь өссөн цорын ганц орон болж байна. Олон Улсын Валютын Сангаас Хятадын эдийн засгийг 2020 онд 1.9 хувиар, Блүүмбергээс 2.1 хувиар өсөх магадлалтай хэмээн тооцолж байсан ч Хятадын эдийн засаг илүү өндөр хувиар өсч чадсан байна.
Бусад улс орнуудтай харьцуулахад Хятадын эдийн засаг коронавирусын цар тахлын эхний давалгааны дараагаас хурдацтайгаар сэргэж эхэлсэн юм. 2020 онд Бээжин шинээр 9 сая ажлын байр бий болгох зорилт тавьсан байсан ба зорилтоо давуулан биелүүлж, өнгөрсөн жил нийт 11.86 сая ажлын байр бий болгож чаджээ. Түүнчлэн 2019 онд БНХАУ-д ажилгүйдлийн түвшин 5.5 хувь байсан бол 2020 онд 4.7 хувь болтлоо буурсан үзүүлэлттэй байна.
Эх сурвалж: CNN
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
