Гадаадын нэгэн телевизийн нэвтрүүлгийн үеэр хөтлөгч залуу зочноосоо (саятан нэгэн) “Та хэдийд хамгаас жаргалтай байсан бэ?” гэж асуусанд зочин нь “Би жинхэнэ аз жаргал гэж юу болохыг дөрвөн үе шаттайгаар ойлгосон гэх үү дээ:
1: Шинэ юм худалдан авах үед
2: Аливаа юмны хамгийн үнэтэйг нь худалдан авах үед... энэ үед авах таашаал удаан үргэлжилдэггүй юм билээ.
3: Спортын баг, тансаг зэрэглэлийн зочид буудал, амралтын газар г.м. томоохон эд хөрөнгө эзэмшдэг болсон энэ үед ч аз жаргалыг жинхэнэ утгаар нь мэдэрч байсангүй.
4: Нэг өдөр манай нэг найз “Хөгжлийн бэрхшээлтэй хэдэн хүүхдэд цахилгаан тэргэнцэр авч өгөх гэсэн юм. Чи хандив өгөх үү” гэхэд нь би дуртайяа зөвшөөрч шаардлагатай санхүүжилтийг нь бүтнээр нь гаргаж өгөв. Хэдэн өдрийн дараа найз маань “Авсан тэргэнцрүүдээ хүргэж өгөх гэж байна, хамт явах уу” гэв. Би ч үгүй гэж чадсангүй.
Шинэхэн тэргэнцрээрээ нааш цааш сүлжилдэн бөөн баяр хөөр болж буй хүүхдүүдийг хараад би ямар их баярласан гээ. Тэдэнтэй хэсэг хамт байж байгаад явах гэтэл нэг жаал хөлнөөс минь зуурчихаад тавьдаггүй шүү. Нэг юм хэлэх гээд байгаа бололтой миний өөдөөс нүд салгалгүй хараад байхаар нь “Хүү минь, чи ямар нэгэн юм асуух гээ юу?” гэвэл хүү “Би таны царайг тогтоож авах гэсэн юм. Диваажинд тантай таарах юм бол дахин талархснаа илэрхийлэх гээд!” гэдэг байгаа. Чухам тэр агшинд би жинхэнэ аз жаргал гэж юу байдгийг хэзээ ч мартахааргүйгээр ойлгосон юм... хэмээн өгүүлжээ.
Орчуулсан: Өлзийбатын Уянга
Энэ мэдээ танд таалагдаж байвал LIKE хийгээрэй. Танд баярлалаа.
