Далайн эргээс аварга том 2 могой загас үхсэн байдалтай олджээ

Twitter Print
2013 оны 11-р сар 02-нд 08:00 цагт
Мэдээний зураг,

АНУ-ын Калифорниа мужийн далайн эргээс аварга том 2 могой загас үхсэн байдалтай олджээ. Эдгээр нь газар хөдлөлтийн мэдээг урьдаас өгч байж болзошгүй гэж таамаглаж байна. Энэ амьтан хүний нүдэнд харагдах нь маш ховор. 1 долоо хоногийн дотор 2 могой загас үхсэн тул далайн биологичид маш их гайхжээ. Харин эртний нэгэн Япон домогт могой загас үхэх нь газар хөдлөлтийн мэдээ гэж өгүүлдэг юм. Энэ домог тэр дороо нийгмийн цахим хуудсуудаар таржээ. Иймд хүмүүс айн сандарч эхэлжээ. Нөгөөтэйгүүр энэ бүс газар хөдлөлийн идэвхтэй бүсэд оршдог. Тэнгисийн мангас гэж нэрлэдэг  могой загас дунджаар 15 метр урт. Америкийн баруун эрэг дээр гарч ирсэн могой загаснууд нь 4-5 метр урттай байжээ. Эрдэмтэд тэдний үхлийн шалтгаан газар хөдлөлтэй холбоотой гэдэгт эргэлзэж байна. Мөн тэд гүехэн усанд сэлж чаддаг эсэх талаар ч тайлбар хэлж мэдэхгүй байна. Энэ амьтан далайн 400 метрийн гүнд  босоогоороо сэлдэг онцлогтой. Эргэн тойрныхоо уургаар хооллодог. 

Сан Диего хотын биологичид сүүлд үхсэн могой загасыг шинжлээд ямар ч өвчингүй, эрүүл байсан гээд шууд идэж болохоор юм байна гэжээ. Тэд Номхон далайн нөгөө эрэгт орших, Японы Фукушима Атомын цахилгаан станцын цацраг идэвхит бодисонд загаснууд хордсон байж болзошгүй гэж үзэн, энэ төрлийн судалгааг хийж эхэлжээ. Мөн энэ амьтны талаар илүү ихийг олж мэдэх зорилгоор судалгаагаа үргэлжлүүлнэ гэжээ.  

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.