Тайландад төрийн эргэлт гарч, цэрэг цагдаагийн хяналтанд орлоо

Twitter Print
2014 оны 05-р сар 23-нд 16:37 цагт
Мэдээний зураг,

Энэ сарын 22-ны өдөр Тайландад төрийн эргэлт гарлаа. Тус улсын Явган цэргийн командлагч, генерал Прают Чан-Оча төрийн эргэлт хийснээ зарлаж, цэргийн тал засгийн газрын эрхийг хүлээн авсан. Энэ өдрөөс Үндсэн хуулиа хэрэгжүүлэхээ больж, түр засгийн газрыг тараахаа мэдэгдэв. Үүсээд байгаа нөхцөл байдалтай холбогдуулан тэрээр телевизээр үг хэлэхдээ, улс орондоо дэг журмыг сэргээн, улс төрийн шинэчлэл хийхээ амалсан байна.

Мөн бүх радио, телевиз, кабелийн болон хиймэл дагуулын станцийг нэвтрүүлгүүдээ зогсоож, харин цэрэг, армийн шинж чанартай нэвтрүүлэг цацахыг үүрэг болгосон байна. Улс оронд таваас илүү хүний улс төрийн уулзалт, цуглаан зохион байгуулахыг хориглосны зэрэгцээ хоригийг зөрчсөн хүнд нэг жилийн хорих ял оноох, эсвэл ойролцоогоор 300 ам.доллараар торгох юм байна.

Өнөөдрийн байдлаар тус улсын сенат болон бие даасан байгууламж эрхээ хэрэгжүүлсээр байгаа аж. Тайландын орон нутгийн цагаар 17.00 цагт Прают Чан-Оча үндэсний телевизээр хэлсэн үгэндээ, олон хүн амь үрэгдэж, байдал хурцдахаас зайлсхийхийн тулд төрийн эргэлт хийхээр шийдсэн гэжээ.

Америкийн Төрийн нарийн бичгийн дарга Кери хэлэхдээ Тайландад гарсан төрийн эргэлт хоёр орны харилцаанд муугаар нөлөөлөх бөгөөд тус улсад олгох туслалцаагаа цуцлахаар төлөвлөж байна гэж мэдэгджээ.

НҮБ-ын ерөнхий нарийн бичгийн дарга Бан Ги Мүн мөн өдөр бие төлөөлөгчөөрөө мэдэгдэл хийлгэж, Тайландад цэргийн эргэлт гарсанд анхаарлаа хандуулж байгаагаа илэрхийлээд, бүтээлчээр хамтран ажиллаж, хүчирхийллээс зайлсхийн, хүний эрхийг хүндлэхийг холбогдох талуудаас хүсчээ. 

Эдүгээ Тайланд орон цэрэг армийн хяналтад байгаа хэдий ч ард олон тайван амгалан байна. Мөн жуулчдын гол үзвэр болсон олон алдартай Бурханы шашны музейнүүд болон сүм хийдүүд хэвийн ажиллаж байна. Бангкок том хот тул хүмүүс цэрэг цагдаагийнхнаас зайлсхийхэд тийм ч хэцүү биш байна гэж Тайландын Аялал жуулчлалын нэгэн сайтад мэдээлжээ. 

Мөн бизнесүүд, банк санхүүгийн байгууллагууд гээд албан газрууд үйл ажиллагаагаа хэвийн явуулж байна гэсэн байна. 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.