Хамгийн хөнгөн, хамгийн нарийн таблет компьютер худалдаанд гарлаа

Twitter Print
2013 оны 11-р сар 01-нд 16:05 цагт
Мэдээний зураг,

Apple компани хамгийн хөнгөн, хамгийн нарийн таблет компьютерийг худалдаанд гарлаа. Тэд iPad Air гэж нэрлэсэн таблет компьютераа танилцуулжээ.

Apple компани Лос Анжелост зохион байгуулсан танилцуулгын үеэр, энэ бүтээгдэхүүнийг гарган авахын тулд үйлдврлэлийн бүх шат дамжлагаа тэр чигээр нь өөрчилж шинэчилсэн гэжээ.  Энэ бол iPad-ийн шинэ загвар. Одоо дэлхий нийтийн анхаарал  энэхүү хамгийн хөнган бас нимгэн компьютер руу хандаад байна. Өчигдрийн танилцуулга дээр 2007 оноос хойш Apple-аас компьютер худалдаж авсан бүх худалдан авагч Mac OSX прогарммыг үнэ төлбөргүй авах болсныг мэдэгджээ. Одоогоос 3 жил хагасын өмнө анхны iPad худалдаанд гарсан.

Samsung, Google, Amazon зэрэг технологийн бүхий л том компаниуд энэ төрлийн компьютерийг олон төрөл үйлдвэрлэсэн юм. Иймд Apple цоо шинэ нээлт хийх шаардлага тулгарснаар iPad Air компьютераа үйлдвэрлэжээ. Тус компани өөөдрийг хүртэлх хугацаанд нийтдээ 170 сая ширхэг iPad худалдаалсан. Ингэснээр энэ төрлийн компьютерийн борлуулалтад тэргүүлж байна. 454 граммын жинтэй, 20 см урт, нүдний торлог бүрхэвч агуулсан шинэ бүтээгдэхүүн 11-р сарын 1-нээс худалдаанд гарна. Үнэ нь 399 фунт стерлинг буюу 1,092,000 төгрөгийн үнэтэй.

Компьютер болон ухаалаг гар утас үйлдвэрлэгч Apple компаний ашиг орлоготой холбоотой мэдээлэл хүргэе. Энэ оны 3-р улиралд урьдчилан таамаглаж байснаас ч их хэмжээний орлого олжээ.  iPhone утасны борлуулалт өссөний үр дүнд 2-р улиралд 6,9 тэрбум америк долларын орлого олсон юм. Харин 3-р улиралд 22%-иар бага буюу 42,8%-иас 36,9% болж буурчээ. Гэхдээ компаний хувьцааны үнэ 4%-иар өсчээ. Компаний эргэлтийн хөрөнгө нь 35,3 тэрбум доллар. Өнгөрсөн онд энэ тоо  35 тэрбумыг дөнгөж давж байсан. Харин iPhone утасны борлуулалт 20% өсч, 31,2 сая долларт хүрсэн нь дээд амжилт. Гэхдээ энэ ухаалаг утасны үнэ 608 доллараас 581 доллар болж буурсан. Харин iPad-ийн борлуулалт 14%-иар буурч, өнгөрсөн онд 17 сая ширхгийг борлуулсан бол энэ жилийн байдлаар 14,6 сая ширхэгийг худалдаалжээ. 

Apple сүүлийн 10 жилийн турш хэрэглэгчид болон хөрөнгө оруулагчдын хамгийн их анхаарлаа хандуулдаг компани болсон. Гэхдээ сүүлийн 3 жилийн турш шинэ бүтээгдэхүүн боловсруулаагүй тул салбарынхаа шилдэг компани гэдэг нэр хүндээ Өмнөд Солонгосын Самсунгад алдах дөхөөд байсан юм. Харин одоо тэд шинэ компьютераа танилцууллаа.  

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.