Хойд Солонгосын удирдагч Ким Жон Ун болон өөр бусад төрийн дээд албан тушаалтнууд гэдэсний халдварт өвчинд өртсөн 800 өрхөд эм тан зэрэг хэрэгтэй зүйлсийг илгээхээр бэлджээ.
Сүүлийн хэдэн долоо хоногийн турш коронавирусын цар тахалтай тэмцэж буй тус улсын газар тариалангийн гол бүс нутаг болох Хойд Гванхэ мужид энэ долоо хоногт гэдэсний халдварт өвчин дэгдсэн тухай мэдээлсэн билээ.
Өмнөд Солонгосын зүгээс мэдээлж байгаагаар Сөүл нөхцөл байдлыг ажиглаж байгаа ба Хойд Солонгост дэгдсэн гэдэсний халдварт өвчин нь холер эсвэл балнад өвчин байх магадлалтай аж.
.jpeg)
Коронавирусын цар тахал дээр гэдэсний халдварт өвчин нэмэгдсэнээр хүнсний хомстлын асуудал бүр ихээр хурцдах төлөвтэй байгааг ажиглагчид онцолж байна.
Хойд Солонгост энэ баасан гарагт коронавирусын шинж тэмдэг илэрсэн 23 160 тохиолдол бүтгэгдэж, КОВИД-19 өвчний шинж тэмдэг илэрсэн нийт тохиолдлын тоо 4.58 саяыг давж, коронавирусын халдварын улмаас нийт 73 хүн нас баржээ.
.jpeg)
Хойд Солонгосын эрх баригчид коронавирусын шинж тэмдэг илэрсэн хүмүүсийн 99 гаруй хувь нь эдгэрч, халдварын тархалт буурах хандлагадаа орсон гэж мэдэгдсэн ч ДЭМБ нөхцөл байдал улам дордсон гэж таамаглаж байна.
Эх сурвалж: Reuters
Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
Зочин
(202.21.106.105) 2014-05-22 10:02Uhaantai tsarai gargasan teneg huuhen bnaa ene shuudertsetseg
Хариулах