Ирэх оноос тэтгэвэр бодох аргачлал өөрчлөгдөнө

Twitter Print
2019 оны 12-р сар 18-нд 13:05 цагт
Мэдээний зураг,

Нийгмийн даатгалын сангийн 2020 оны төсвийн тухай хуульд хэсэгчлэн тавьсан Ерөнхийлөгчийн хоригийг хүлээн авахыг УИХ дэмжээд буй. Ингэснээр 2020 оноос нэмэгдэх байсан нийгмийн даатгалын шимтгэл хэвээр үлдэхээр болсон.

Гэхдээ хуулийн хүрээнд орж буй өөрчлөлтийн нэг нь ирэх жилээс буюу 2020 оны нэгдүгээр сарын 1-нээс эхлэн хэрэгжих тэтгэвэр бодох аргачлалын өөрчлөлт юм. Тодруулбал, 2020 оноос өндөр нас (малчны тэтгэвэр)-ны тэтгэвэр тогтоолгох хүсэлт гаргасан хүний тэтгэврийг тэтгэврийн даатгалын шимтгэл төлсөн сүүлийн 20 жилийн доторх аль дуртай дараалсан 7 жилийн буюу 84 сарын дундаж цалин хөлснөөс тооцохоор болсон.  

Харин цэргийнхний тэтгэвэр бодох аргачлал нь өмнөх жилүүд шиг 5 жилээр тооцдог нь хэвээрээ байх аж. 2019 оны хувьд буюу яг одоо хэрэгжиж буй хуулиар тэтгэврийн даатгалын шимтгэл төлсөн сүүлийн 20 жилийн доторх аль дуртай дараалсан 6 жилийн дундаж цалингаар тогтоож байгаа юм. Өндөр насны тэтгэврийн эрх 2020 онд 20 жил 9 сар ба түүнээс дээш хугацаанд шимтгэл төлж ажилласан бол үүснэ. Ингэхдээ эрэгтэй 60 нас, эмэгтэй 55 нас хүрсэн даатгуулагч байх юм.

Г.Ганаа 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (66.181.179.110) 2019-12-28 17:13
      • 0
      • 0

      Тэтгэврийн хөгшдөө мөлжлөг луйварчин төр засаг

      Хариулах

    • Зочин

      (66.181.184.244) 2019-12-21 13:03
      • 0
      • 0

      Яаж хэдэн бор юмнаас нь татаж чангааж зулгаах вэ гэдгээ л байнга бодож байх юмаа, энэ төрийн толгойд байгаа мануухайнууд. Дундажлах хугацааг уртасгах тусам авах тэтгэвэр тэтгэмж нь багасах нь тодорхой ш дээ, ёстой хэрэг алга

      Хариулах

    • рнэу

      (203.91.115.53) 2019-12-19 10:53
      • 0
      • 0

      Дуртай 6 жилээ сонгоод үлдсэн 14 жилийнхийг нь хэн авчихаад байнаа

      Хариулах