Бүсийн аваргын төлөө өрсөлдөх дөрвөн багийн нэр тодорлоо

Twitter Print
2014 оны 05-р сар 16-нд 16:36 цагт
Мэдээний зураг,

Өнөөдөр NBA-ийн талбайд хоёр тоглолт боллоо. Өчигдөр “Сан Антонио Сперс”, “Майами Хит” багууд өрсөлдөгч нараа хожсноор энэ улирлын бүсийн аваргын төлөө тоглох эрхээ авсан. Харин “Оклахома Сити Тандерс”, “Индиана Пэйзерс” багууд ялалт байгуулж дараагийн шатанд үлдлээ. Индианаполис хотноо болсон “Индиана”-“Вашингтон”-ы тулаанд талбайн эзэд 93:80-аар хожиж цувралыг 4-0 болгосон. Энэ өдөр зочин багаас М.Гортат 19 оноо, Б.Бэйл 16 оноо, Нэнэ 15 оноо, Ж.Уолл 12 оноо авчээ. Шийдвэрлэх тоглолтоо хийж буй Нийслэлийн баг төгсгөлийг муу хийж цаг дуусахаас 2:45 минутын өмнө гурван холын зайн шидэлтээ алдсан байна.

Талбайн эздээс Д.Уэст 29 оноо, Л.Стэпенсон 17 оноо, П.Жорж 12 оноо, Р.Хибберт, П.Жорж нар 11 оноо авснаар баг нь дөрөв дэх хожлоо байгууллаа. Энэ өдрийн хоёр дахь тоглолтонд “Оклахома Сити Тандер”-“Лос Анжелес Клипперс”-ыг 104:98-аар хожлоо. Өмнөх тоглолтонд шүүгчийн эргэлзээтэй шийдвэрийн золиос болсон Калифорни мужийн баг талбай дээрээ заавал хожих даалгавартай байлаа. Гэвч ирээдүйн алдрын танхимын гишүүн, улирлын MVP К.Дюрант тэдний хүслийг үгүй хийсэн юм. Кевин Ди 44 минут тоглохдоо 39 оноо, 16 удаа самбараас бөмбөг авсан бол Р.Уэстбрук 19 оноо, 12 оновчтой дамжуулалт өгч дабль-дабль хийжээ. Мөн энэ улиралд С.Брукс төдийлөн сайн ашиглаагүй байсан С.Адамсыг 39 минут талбай дээр тоглуулж 10 оноо, 11 удаа самбараас бөмбөг авч өөрийгөө нээж харуулах боломжийг зуун хувь ашигласан аж.

NBA-ийн бүсийн аваргын тоглолтууд ирэх даваа гарагийн өглөө болох бөгөөд “Сан Антонио Сперс”-“Оклахома Сити Тандер”, “Майами Хит”-“Индиана Пэйзерс” багууд учраа таарлаа.

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.