Гурван сар саатсан Эрдэнэтийн зэсийн баяжмалыг Замын-Үүд боомтоор экспортлож эхэллээ

Twitter Print
2022 оны 01-р сар 28-нд 16:23 цагт
Мэдээний зураг,

“Эрдэнэт үйлдвэр” ТӨҮГ-ын 237 вагон бүхий 16 мянга орчим тонн зэсийн баяжмал 2021 оны 11 дүгээр сараас хойш урд хилээр нэвтэрч чадахгүй, гацсан байсан. Цар тахлын үед хилийн боомтын үйл ажиллагааг сайжруулах ажлын хэсэг байгуулагдсанаар уг асуудалд анхаарч ажилласны дүнд бүрэн шийдвэрлэгджээ. Өнөөдрийн байдлаар 102 вагон зэсийн баяжмал урд хилээр нэвтэрч, БНХАУ-ын нутагт ороод байна. Цаашид өдөрт 50 вагон баяжмалыг хилээр нэвтрүүлэхээр бэлтгэл ажлаа хангажээ.

Дотоодын барилгын материал үйлдвэрлэгчдийг бодлогоор дэмжинэ

Барилгын материалын жилийн хэрэгцээ, шаардлагын судалгаагаар 2020, 2021 оны хэрэглээг харьцуулан судлахад энэ онд барилгын материалын хэрэгцээ өсөх хандлагатай байгаа аж. Тухайлбал, арматурын төмрийн хэрэглээ 10-20 хувиар өсөх төлөвтэй байгаа юм байна. Үүнийг дагаад барилгын материалын үнэ цаашид ч өсөх хандлага ажиглагдаж буйг хэллээ. Одоогоор барилгын материалын үнэ 2-6 дахин нэмэгдсэн байна. Энэ жил худалдан авах, тендер зарлах, сонгон шалгаруулах ажил эрт эхэлсэнтэй холбоотойгоор барилга угсралтын ажил ч эрт эхлэнэ хэмээн тооцож буй аж. Тиймээс холбогдох албаныхан нөөц бүрдүүлэлтийн ажилд анхаарч ажиллаж буй. Хилийн боомтын чингэлэг тээвэр нэвтэрч эхэлсэнтэй холбоотойгоор арматурын төмрөөс бусад материалын нөөц хангалттай байгааг холбогдох албаныхан хэлсэн юм. Харин арматурын төмрийг чингэлэг тээвэрт ачих боломжгүй байгаа бөгөөд үүнд анхаарч ажиллах шаардлагатай байна.

Иймд барилгын материалын татан авалтыг сайжруулах, үнийн хөөрөгдлийг бууруулах, нөөц бүрдүүлэх ажлыг онцгойлон анхаарч ажиллах, мөн дотоодын барилгын материалын үйлдвэрлэлийг тууштай бодлогоор дэмжих, зарим тохиолдолд хөнгөлөлтөд хамруулах бодлого боловсруулна.

ГХЯ, ЗТХЯ-ны холбогдох мэргэжилтнүүд, ажлын хэсгийнхэн Газрын тосны үйлдвэрийн бүтээн байгуулалтын ажил өрнөж буй энэ үед шаардлагатай тоног төхөөрөмж, материалыг хилээр яаралтай оруулж ирэх, БНХАУ-аа ачаа тээврийг нарийн царгиар татах авах асуудлыг энэ 7 хоногт шийдвэрлэж дуусгана.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.