Усанд автсан авто замын хонгилоос 13 цогцос гаргалаа

Twitter Print
2023 оны 07-р сар 17-нд 09:40 цагт
Мэдээний зураг,

Усанд автсан авто замын хонгилд гацсан иргэдийг гаргахаар ажиллаж байна

Үргэлжилсэн аадар борооны улмаас усанд автсан БНСУ-ын Чонжү хотын ойролцоо байрлах авто замын хонгилд гацсан иргэдийг гаргах ажиллагаа үргэлжилж байна. 

Онцгой байдлын албанаас мэдээлснээр өнгөрсөн бямба гарагт орсон аадар борооны үеэр тус авто замын хонгил 2-3 минутын дотор усанд автсан учраас хонгилд тээврийн хэрэгсэлтэйгээ зорчиж байсан иргэд хонгилоос амжиж гарч чадаагүй аж. 685 м урттай тус хонгилд чухам хэдэн хүн гацсан нь тодорхойгүй байгаа ч хонгилд тухайн үед 15 тээврийн хэрэгсэл байсан хэмээн мэдээлж байна.

Аврах ажиллагаанд онцгой байдлын албаны албан хаагчид болон шумбагчид гээд нийт 900 орчим хүн оролцож байгаа ба өнөөдрийн байдлаар 13 хүний цогцсыг  гаргаж авчээ.

Аадар борооны улмаас үүссэн үер болон хөрсний нуралтаас болж БНСУ даяар 37 хүний амь эрсдээд байгаа ба 9 хүн сураггүй алга болоод байна.

Хохирогчдын гэр бүл, ойр дотныхон  БНСУ-ын эрх баригчдыг цаг тухайд нь үр дүнтэй хариу арга хэмжээ авсан бол иргэд амь насаа алдахгүй байсан хэмээн буруушааж байна.

Орон нутгийн хэвлэл мэдээллийн хэрэгслүүдэд авто замын хонгил усанд автахаас хэдэн цагийн өмнө голын үерийн хяналтын албанаас голын усны төвшин үерийн аюултай төвшинд хүрсэн болохыг анхааруулсан, авто замын хонгилын болон хонгил руу орох замыг тухайн үед хаах боломжтой байсан хэмээн онцолжээ.

БНСУ-д жилдээ дунджаар 1000 мм-1800 мм хур тунадас ордог бол зөвхөн өнгөрсөн бямба гарагт дангаарааа 300 мм орчим хур тунадас орж, Умард Чунчён муж үер, усны аюулд хамгийн ихээр өртжээ.
Содномцэрэнгийн Энхзаяа

Mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.70.34.89) 2020-03-13 17:09
      • 0
      • 0

      Төрийн байгууллага бол иргэддээ үйлчилгээ үзүүлэгч байх ёстой гэтэл гаднах нийтийн эзэмшлийн талбайгаа хэн нэгэн танилын компанид мөнгө олох хэрэгсэл болгож, төрөөс үйлчилгээ авахаар ирсэн иргэдээс төлбөр хураамж авч байгаа нь ёсзүйгүй юм. Хувийн хэвшлийн ААН ч гадна талбайгаа төлбөртэй байлгахыг төр бас зөвшөөрөх хэрэгтэй.

      Хариулах

    • Зочин

      (64.119.24.172) 2020-03-13 15:58
      • 0
      • 0

      Ард иргэдээ шулахаас өөрийг сэтгэхээ байжээ

      Хариулах

    • Зочин

      (182.160.38.23) 2020-02-26 01:54
      • 0
      • 0

      Зогсоолынын мөнгө тоншдог хулгайч нар ихсэж мафи үүсч оймсдоно доо.

      Хариулах