Өрх бүрт нэг сая төгрөг олгох асуудлаар Ерөнхийлөгч ээлжит бус чуулганыг хуралдуулах санал гаргалаа

Twitter Print
2021 оны 02-р сар 01-нд 17:39 цагт
Мэдээний зураг,

Ерөнхийлөгч Х.Баттулга УИХ-ын ээлжит бус чуулганыг хуралдуулах тухай саналаа УИХ-ын дарга Г.Занданшатарт өнөөдөр албан бичгээр хүргүүллээ. Албан бичигт “Миний бие цар тахлын хүнд үед өрх бүрт нэг сая төгрөг олгох, айл өрхүүдээрээ дамжуулан үндэсний үйлдвэрлэл, аж ахуйгаа дэмжих зорилгоор “Коронавируст халдварын цар тахлаас үүдэлтэй амьдралын доройтол, нийгэм, эдийн засгийн бэрхшээлийг даван туулах онцгой арга хэмжээний тухай” Улсын Их Хурлын тогтоолын төслийг 2021 оны нэгдүгээр сарын 08-ны өдөр өргөн мэдүүлсэн боловч Улсын Их Хурал авч хэлэлцэхгүйгээр 2020 оны намрын ээлжит чуулганаа өндөрлүүллээ.

Мөн стратегийн ач холбогдол бүхий ашигт малтмалын ордыг эзэмшдэг, их хэмжээний гадаад валютын орлоготой үндэсний болон гадаадын хөрөнгө оруулалттай компаниудын мөнгөн гүйлгээ, төлбөр тооцоог Монгол Улсын банкаар гүйцэтгэдэг болгох зорилго бүхий “Валютын зохицуулалтын тухай хуульд нэмэлт оруулах тухай” хуулийн төслийг удаа дараа өргөн мэдүүлж, 2018 оны аравдугаар сарын 19-ний өдрийн чуулганаар дэмжүүлсэн боловч тухайн хуулийн төслийг эцэслэн батлах талаар Улсын Их Хурал өнгөрсөн хоёр жил гурван сарын хугацаанд ямар ч арга хэмжээ авсангүй.

Цар тахлаас урьдчилан сэргийлэх, тэмцэх чиглэлд авч хэрэгжүүлсэн хорио цээрийн дэглэм, хязгаарлалтаас үүдэн ард иргэдийн амьдрал өдрөөс өдөрт дордож, нийгэм эдийн засгийн байдал эрс хүндэрч байгаа энэ цаг үед Улсын Их Хурал холбогдох хууль, тогтоомжийн төслийг цаг алдалгүй хэлэлцэн шийдвэрлэж, шуурхай ажиллах шаардлагатай юм.

Иймд Монгол Улсын Үндсэн хуулийн Хорин долдугаар зүйлийн 3 дахь хэсэг, Монгол Улсын Ерөнхийлөгчийн тухай хуулийн 12 дугаар зүйлийн 1 дэх хэсэг, Монгол Улсын Их Хурлын тухай хуулийн 19 дүгээр зүйлийн 19.2 дахь хэсэгт тус тус заасны дагуу УИХ-ын ээлжит бус чуулганыг нэн даруй зарлан хуралдуулах, ээлжит бус чуулганаар “Валютын зохицуулалтын тухай хуульд нэмэлт оруулах тухай” хуулийн төсөл болон “Коронавируст халдварын цар тахлаас үүдэлтэй амьдралын доройтол, нийгэм, эдийн засгийн бэрхшээлийг даван туулах онцгой арга хэмжээний тухай” Улсын Их Хурлын тогтоолын төслийг тус тус хэлэлцүүлэн шийдвэрлүүлэх саналтай байна” гэжээ.

А.Анар

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Ард түмэн

      (43.250.126.130) 2021-02-02 11:51
      • 0
      • 0

      Энэ Баттулга өөрийн боддоггүй үйлдлээ заавал тулгах гээд байх юм даа. Нэгд. Сонгуулийн өмнө нэр хүнд олох Хоёр. Өөрийн үйлдвэрийн бараануудаа нэмсэн өртөгөөр ард түмэнд шахах. Гуравт Энэ шийдвэрийг ИХ,ЗГ дэмжихгүй бол ард олны өмнө за аг муухай харагдуулах. Женко ийм л санаатай нөхөр.

      Хариулах

    • Би бна

      (76.168.138.206) 2021-02-01 23:44
      • 0
      • 0

      Мөнгөөр хахуульдах гээд бдгааа больмоор юм улсын эдийн засаг ямар бга билээ ингэжхэлээд бхаар манай ерөнхийлөгчсайн мөнгө өгнө гэсэн гэж үнэлэгдэнэ гэж боддог ард иргэд хувиа биш улсаа бодоцгооёо улс бололцоотой бүх арга хэмжээ авсан хүүхдийн мөнгө, ус тог ны мөнгө гэх мэт энэ брл бас нэг улс төр өрөнхийлөгчийн засаглалтай орно биш шүү засгийн ажилд тувт оролцож муугаар харагдуулахыг хичээж бдаг

      Хариулах

    • zochin

      (202.70.34.89) 2021-02-01 17:59
      • 0
      • 0

      Odoo bolichihooch ee.

      Хариулах