“Эко Алтан Заамар”-ын дахин нэг ажилтан амиа алдлаа

Twitter Print
2019 оны 12-р сар 06-нд 17:44 цагт
Мэдээний зураг,

“Эко-Алтан Заамар” компанийн ажлын талбайд дахин осол гарч, нэг ажилтан амиа алдсан байна. 

Осол өнөөдөр 13:00 цагийн орчимд гарсан бөгөөд экскаватор угсрахаар кранаар өргөх явцад трос тасарч, 26 настай ажилтны дээр унан, газар дээрээ амиа алджээ. Албан бус эх сурвалжийн мэдээлснээр, талийгаач хөдөлмөрийн аюулгүй байдлыг хангаж ажиллаагүй байсан гэнэ. Энэ удаагийн осол Булган аймгийн Бүрэгхангайд гарчээ. Ослын газар аймгийн цагдаа нар ослын шалтгааныг тогтоохоор ажиллаж байгаа аж. 

Өмнө нь энэ оны хоёрдугаар сарын 28-нд тус компанийн дөрвөн ажилтан ажлаа хийх явцад амиа алдсан юм. Уурхайн карьерийн хана хэсгээс их хэмжээний шороо нурж, зургаан хүн болон техник, тоног төхөөрөмж дарагдсан. Осол болсон даруйд хоёр иргэнийг эсэн мэнд гарган авч, эмнэлгийн тусламж үзүүлсэн ч, тэднээс гадна дөрвөн ажилтан шороонд дарагдсан байсан билээ. Осол Төв аймгийн Заамар сумын нутагт болсон юм.   

Г.Ганаа 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.