Энэ оны 10-р сараас нийслэлд ил задгай машин зарахгүй

Twitter Print
2014 оны 05-р сар 13-нд 13:47 цагт
Мэдээний зураг,

Улаанбаатар хотыг 2020 он хүртэл хөгжүүлэх Ерөнхий төлөвлөгөөг хэрэгжүүлэх, агаарын болон хөрсний бохирдлыг багасгах, замын хөдөлгөөний ачаалал, түгжрэл, ослыг бууруулах зэрэг ажлыг түргэн шуурхай шийдвэрлэх зорилгоор хэд хэдэн ажил хэрэгжиж байгаа аж. Үүний хүрээнд нийслэл хот доторх авто машин, техник болон тэдгээрийн сэлбэг, дагалдах хэрэгслийг худалдаалдаг томоохон зах, жижиг цэгүүдийг нэгтгэн, нэгдсэн цэгт төвлөрүүлэх “Авто Худалдааны Цогцолбор” байгууламжийг Сонгинохайрхан дүүргийн 32 дугаар хорооны нутаг дэвсгэрт барихаар болсон.

Тус цогцолборын үйл ажиллагааг “Авто худалдааны цогцолбор” ОНӨААТҮГ хариуцах бөгөөд төсвөөс бус өөрийн үйл ажиллагааны орлогоор зардлаа бүрэн санхүүжүүлэн ажиллаж байгаа.

Хот дотор 27 га талбайд буюу авто машин, тэдгээрийн сэлбэг, дагалдах хэрэгслийг худалдаалах зориулалтын бус газарт үйл ажиллагаа явуулдаг 9 томоохон зах, 34 цэгт нийт 7000 автомашины зогсоол байдаг. Харин шинээр төлөвлөгдсөн “Авто Худалдааны Цогцолбор” нь 130 га эдэлбэр газрыг хамарч, том, жижиг оврын нийт 14000 авто машины зогсоолтой байхаар төлөвлөөд байгаа. Цогцолборт авто машины болон сэлбэг хэрэгслийн худалдаа эрхлэхээс гадна, авто тээврийн хэрэгслийн улсын бүртгэл, улсын дугаарын үйлдвэр, техникийн хяналтын үзлэгийн төв /оношлогоо/, банк санхүүгийн болон татвар, даатгалын зэрэг төрийн болон бусад аж ахуйн нэгж, байгууллагуудын салбар төвүүдийг төвлөрүүлж, улмаар авто засвар, авто угаалга, тээврийн хэрэгслийн мэргэшсэн жолооч бэлтгэх сургалт, дамжаа, жолоодлогын аюулгүй байдлын төв, автомашины туршилтын талбай зэрэг авто техниктэй холбоотой бүхий л үйлчилгээг багтаасан, нэгдсэн харуул хамгаалалт бүхий нэг цэгийн худалдаа, үйлчилгээг бий болгох юм байна.

Мөн одоогийн байдлаар авто худалдааны цогцолборын бэлтгэл ажил хангагдсан. Үүнд 130 га газар дээр 2014 оны аравдугаар сарын 1 гэхэд 14 мянган машины ил зогсоол, төрийн нэг цэгийн үйлчилгээний барилга, авто оношлогооны төв зэрэг бүтээн байгуулалтыг хийхээр төлөвлөгдөөд байна.

Энэ оны аравдугаар  сарын 1-ээс хойш нийслэл хотод ил задгайгаар машин зарагдахгүй бөгөөд дараа жилээс автомашины дагалдах сэлбэгийг бас төвлөрүүлнэ

Энд баригдах 14 мянган автомашины зогсоолыг зургаадугаар сард дуулага худалдаагаар зарах бөгөөд энэ тоо Монгол улсын хилээр орж ирдэг машины тоотой уялдуулан тооцоолоход хүссэн хүн бүхэнд хангалттай хүрэлцэнэ гэж тооцоолжээ. 

 

 

Сэтгүүлч Ц.Мөнхбаяр

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.70.46.201) 2014-05-13 14:05
      • 0
      • 0

      tenegt, il zarj bolohgui tenegtej baisnaas bars huchit shonhor zereg il sheedeg hunsnii zahuudaa zasuulaachee

      Хариулах