Сэтгэлийг анагаах хамгийн шилдэг эм бол хайр

Twitter Print
2021 оны 04-р сар 06-нд 16:05 цагт
Мэдээний зураг,

Сэтгэл гэдэг барих биегүй, харагдах зүйлгүй мөртлөө хүн бүхэн мэдэрч чаддаг, байдаг гэдгийг нь мэддэг өвөрмөц "эрхтэн". Биднийг хүн гэдгийн маань нотолгоо болох магадгүй цор ганц зүйл.

Энэ эрхтэн маань бас бидэнд үл захирагдан өөрийн дураар аашилдаг. Тэрээр өөрийн гэсэн мэдрэх чадвартай. Тархи бол элдэв тооцоо анализ дээр үндэслэн шийдвэр гаргадаг бол сэтгэл сонгох замаа шууд л мэдэрдэг. Огт танихгүй нэгэн яг л эртний танил дотно мэт санагдах. Царай зүс гадна төрх гялгар толигор ч цаанаасаа л хүйтэн мэдрэмж төрүүлэх ч нэгэн бдаг. Энэ бол сэтгэл маань өөрийнхөөрөө хүлээж авч байгаа нь тэр. Сэтгэлийн оршин байх орон нь зүрх юм. Сэтгэл гэж хэлээд бид цээжиндээ гараа тавьдаг. Сэтгэл зүрх гэж хамтдаа хэлэгддэг.

Сэтгэл маань бас өвдөж гэмтдэг, зовдог. Түүний хамгийн шилдэг эм бол хайр. Хайр нь хязгааргүй олон өнгөтэй. Настан бууралд хүндэтгэлтэй хандах, нялх балчирыг өхөөрдөн харах нь мөн л нэг илрэл нь...

Сэтгэл байгаа болохоор л бид мэдэрч, өрөвдөж хайрлаж, хайрлуулж, баярлаж цэнгэж, уйлж, хүн хэмээгдэн явна.

Хэрвээ биднээс сэтгэлийг минь авчихвал бид робот, хиймэл машинаас ялгарах юмгүй болно.

Тэгэхээр бидний амьдралыг өнгө будгаар баяжуулж, аз жаргал алив хөдлөл цалгиагаар дүүргэж бялхаадаг сэтгэл гэдэг агуу баялагтай байгаа болохоор бид азтай.

Эвлүүлж бичих хэдэн үг маань нэг ч гэсэн хүний сэтгэлд гэгээн гэрэл нэмэх байх гэсэн итгэлээр сэтгэл маань догдлон байна.

Сайн цагийн ерөөл учралаар гал мэт бадрангуй сэтгэл зүрхтэй залуус улам олшрох болноо.

Сэтгэлээс сэтгэлд үг дайв.

Уламжлалт анагаах ухааны эмч Намхайдоржийн ЦОГТМАНДАХ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.9.46.30) 2019-11-29 11:37
      • 0
      • 0

      Юуны чинь хусэлт гаргах гэж!!!Урд нь егч байснаа хассан биздээ,шууд л дансанд нь хийгээч

      Хариулах

    • Иргэн

      (202.9.40.69) 2019-11-29 05:24
      • 0
      • 0

      Сонгууль ойртож байгаа болохоор араггүй дээ.

      Хариулах

    • Зочин

      (112.72.13.67) 2014-05-14 16:11
      • 0
      • 0

      Ха ха ха

      Хариулах