Хүсэлт гаргасан хүүхэд бүр сард 20 мянган төгрөгийн тэтгэмж авах эрхтэй боллоо

Twitter Print
2019 оны 11-р сар 28-нд 16:54 цагт
Мэдээний зураг,

УИХ-ын чуулганы өнөөдрийн нэгдсэн хуралдаан эхэллээ. Хуралдааны эхэнд Хоршооны тухай хуульд нэмэлт өөрчлөлт оруулах тухай болон дагалдах хуулийн төслүүдийг хэлэлцэхийг гишүүдийн олонх дэмжлээ. Тиймээс анхны хэлэлцүүлэгт бэлтгүүлэхээр Эдийн засгийн байнгын хороонд шилжүүлэв.

Дараагаар нь Хүүхдийн мөнгөн тэтгэмжийн талаар авах арга хэмжээний талаар УИХ-ын тогтоолын төслийн эцсийн хэлэлцүүлгийг хийв. Тогтоолын төсөл батлагдсанаар өрхийн мэдээллийн санд бүртгэлтэй өрхийн хүсэлт гаргасан хүүхэд бүрт хүүхдийн мөнгөн тэтгэмж олгохоор тусгажээ. Хэлэлцэж байгаа асуудалтай холбогдуулан үг хэлж, асуулт тавих гишүүн  байсангүй. Тиймээс хуулийн УИХ-ын тогтоолын төслийг батлах санал хураалт явууллаа. Чуулганы хуралдаанд оролцсон гишүүдийн 65 хувийн саналаар уг тогтоолын төслийг баталлаа. 

Ингэснээр хүсэлт гаргасан хүүхэд бүр сард 20 мянган төгрөгийн тэтгэмж авах эрхтэй болно. Хүсэлт гаргасан хүүхэд бүрт хүүхдийн мөнгө олгох тогтоолын төсөл батлагдахаас өмнө нийт хүүхдийн 80 хувьд буюу 12.0 мянган хүүхдэд олгож байсан бөгөөд нийт 205.1 тэрбум төгрөг зарцуулагдаж байжээ. 

Хэрвээ хүсэлт гаргасан хүүхэд бүрт сар болгон 20 мянган төгрөг олговол нийт хүүхдийн 85-90 орчим хувь хамрагдах бөгөөд нийтдээ 114.000 хүүхэд нэмэгдэнэ гэсэн урьдчилсан тооцоо гарсан байна. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.9.46.30) 2019-11-29 11:37
      • 0
      • 0

      Юуны чинь хусэлт гаргах гэж!!!Урд нь егч байснаа хассан биздээ,шууд л дансанд нь хийгээч

      Хариулах

    • Иргэн

      (202.9.40.69) 2019-11-29 05:24
      • 0
      • 0

      Сонгууль ойртож байгаа болохоор араггүй дээ.

      Хариулах

    • Зочин

      (112.72.13.67) 2014-05-14 16:11
      • 0
      • 0

      Ха ха ха

      Хариулах