“Алтан охин” М.Анхцэцэг гавьяат тамирчин боллоо

Twitter Print
2021 оны 05-р сар 26-нд 12:41 цагт
Мэдээний зураг,

Монгол Улсын гавьяат тамирчин цолыг ёстой л гуйж биш гуядаад авлаа даа, Мөнхжанцангийн Анхцэцэг маань.

Гавьяат цолны болзлыг аль хэдийнээ даваад биелүүлчихсэн, хүндийг өргөлтийн төдийгүй Монголын спортын түүхийн тод өнгө, гайхамшигт од Анхаагийн амжилтыг жагсаавал энд амжихгүй байх.

Зөвхөн тив, дэлхий, олимпийн наадамд үзүүлсэн томоохон амжилтаас цухас дурьдахад л Анхаа маань Монголын туйванчдаас 2016 онд Ази тивийн аварга , 2016 онд Оюутны дэлхийн аварга, 2017 , 2019 онд Дэлхийн аваргын хүрэл медаль, 2017 онд Ази тивийн залуучуудын аварга, Азийн тулааны болон танхимын спортын наадмын аварга, “Рио-2016” олимпийн наадамд наймдугаар байр гээд олон арван “ анхны”, “ алтан” , “түүхэн” амжилтын эзэн билээ.

Мэдээж амжилт, медаль хүний нүдэнд ил, тооцож, тоолж болохоор.

Харин хүн болгон мэддэггүй, гэмтэл бэртэлтэй хэрхэн тэмцэж, тэсвэр, тэвчээр , сэтгэл, итгэлээр давж гарсныг нь дэлгэвэл үнэхээр бахархаад баршгүй дээ.

Монголын хүндийг өргөлтийн түүхэн дэх ДАШТ-ий анхны медалийг гэмтэлтэй байхдаа дэвжээнд багштайгаа зөрөн байж гараад авч байсныг нүдээрээ харж байлаа. Энэ бол ганцхан жишээ .

Эдүгээ 23 настай Анхаа маань Ц.Хосбаяр багш, багийн нөхдийн хамт “Токио-2020” олимпийн наадамд оролцох эрхээ авч, Монголын туйванчдын олимпийн цувралыг үргэлжлүүлэн, бас нэгэн түүхийг бүтээж, олимпийн дэвжээнд гялалзах болтугай!

Ц.Энхтүвшин, “ТАВАН ЦАГАРИГ”

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.