Токиогийн эмнэлгүүдийн ачаалал нэмэгджээ

Twitter Print
2020 оны 04-р сар 24-нд 12:43 цагт
Мэдээний зураг,

Япон улс өнгөрсөн 2, 3-р саруудад коронавирусын халдварын тархалтыг хяналтандаа авч, уг вирусын халдварын тархалтыг бууруулж чадсан билээ.

Тэгвэл өнөөдрийн байдлаар тус улсад коронавирусын халдвар авсан иргэдийн тоо нийт 12 мянгыг даваад байна. Үүнээс 3500 гаруй нь нийслэл Токио хотод бүртгэгдээд байна. Токиод ажиллаж буй эмч, эмнэлгийн ажилчдын мэдээлж байгаагаар 2 долоо хоногийн өмнө зарласан онц байдлын дэглэм нь коронавирусын халдварын тархалтыг хангалттай бууруулж чадахгүй байгаа ба үүнээс болж Токио дахь эмнэлгүүд маш их ачаалалтай ажиллаж байгаа аж. БиБиСи агентлаг Токио хотын өмнөд зүгт байрлах Гэгээн Марианнагийн их сургуулийн эмнэлгээр зочилсон байна.

Тус эмнэлэг нь коронавирусын халдвар авсан иргэдэд зориулсан эрчимт эмчилгээний тасгийг 10 хоногийн дотор байгуулсан ба тус тасагт хэвтэж буй өвчтнүүдтэй цөөн тооны эмч, эмнэлгийн ажилчид л ажиллаж байгаа аж. Энэ нь эмч, эмнэлгийн ажилтнуудыг халдвараас хамгаалах тусгай хамгаалалтын хувцас хэрэглэл хомс байгаатай холбоотой гэнэ. Гэгээн Марианнагийн их сургуулийн эмч Шигэки Фүжитанигийн онцолсноор эмч, эмнэлгийн ажилчид коронавирусын халдвар авсан иргэдэд халдвар хамгааллын хувцастай үйлчилж байгаа ч хамгаалалтын хувцас хэрэглэл нь халдвараас 100 хувь хамгаалж чаддаггүй байна.

Japanese Woman Recovered From Coronavirus Tests Positive Again ...

Тийм ч учраас тэрээр иргэдээс эрсдэлтэй нөхцөлд ажиллаж буй эмч, эмнэлгийн ажилчдаа хүндлэн, коронавирусын халдвараас сэргийлж, аль болох цөөн хүнтэй харилцахыг хүссэн байна.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.